ممبئی : بالی ووڈ کے سلطان اور سپراسٹار سلمان خان نے دیوالی پر ایک بار پھر ثابت کردیا کہ وہ اپنے مداحوں کو کبھی نہیں بھولتے، سلمان خان نے دیوالی کے موقع پر اپنے  مداحواں کیلئے فلم "ٹائیگر زنده ہے”کا پوسٹر جاری کردیا ۔

بھارتی میڈیا کے مطابق بالی ووڈ کے سپراسٹار سلمان خان نے سماجی رابطے کی ویب سائٹ ٹویٹر پر اپنی نئی آنے والی فلم "ٹائیگر زنده ہے” کا پہلا پوسٹر جاری کرکے مداحوں کو دیوالی کا شاندار تحفہ دے دیا۔

Diwali Gift…. pasand aaya? Ab Christmas pe milna… #tigerzindahai pic.twitter.com/ZRReba4oGQ

— Salman Khan (@BeingSalmanKhan) October 18, 2017

انہوں نے سماجی رابطے کی ویب سائٹ ٹویٹر پر مداحوں سے یہ بھی پوچھا کہ ’ کیا آپ کو پسند آیا ‘ اور ساتھ ہی ساتھ یہ بھی بتایا کہ وہ کرسمس پر ملیں گے۔

دلچسپ بات یہ ہے کہ "ٹائیگر زنده ہے” کا پوسٹر ان نایاب پوسٹروں میں سے ایک ہے، جن میں سلمان خان کا چہرہ نظر آرہا ہے۔

اگر مداحوں کو یاد ہو تو فلم ٹیوب لائٹ ، ایک تھا ٹائیگر اور دبنگ کے پوسٹر میں سلمان خان کا بیک دیکھایا گیا۔

خیال رہے فلم میں کترینہ کیف اور سلمان خان 5 سال کے بعد ایک ساتھ نظر آئیں گے۔

فلم کے ڈائریکٹر علی عباس ظفر ہے جبکہ سلمان خان فلم میں ایک انتیلی جنس آفیسر کا کردار ادا کررہے ہیں، فلم 2012 میں بننے والی فلم ’ ایک تھا ٹائیگر‘ کا سیکوئل ہے جبکہ فلم دسمبر میں کرسمس کے موقع پر ریلیز کی جائے گی۔

قبل ازیں فلم ڈائریکٹر نے سلمان اور کترینہ کی آسٹریلیا میں ہونے والی فلم کی شوٹنگ کے دوران کی تصاویر شیئر کی تھیں، جس میں دونوں اداکار انتہائی رومانوی انداز میں دکھائی دے رہے تھے۔

Tiger & Zoya #austria @TigerZindaHai . pic.twitter.com/nFuzwLg85L

— ali abbas zafar (@aliabbaszafar) March 22, 2017

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پرشیئر کریں۔