بالی ووڈ اداکار سلمان خان کی دلچسپ ویڈیو سوشل میڈیا وائرل ہورہی ہے جس میں وہ کہہ رہے ہیں کہ شادی ہوگئی۔
بالی ووڈ کے دبنگ اداکار سلمان خان نے اپنی شادی کی تصدیق کے لیے سماجی رابطے کی ویب سائٹ ٹویٹر پر ایک طنزیہ ویڈیو پوسٹ کی جو خوب وائرل ہورہی ہے۔
ویڈیو میں بالی ووڈ اداکار نے اپنی مشہور فلم ’انداز اپنا اپنا‘ کی ایک ویڈیو شیئر کی جس میں نوجوان سلمان خان پوچھتے ہیں کہ اور شادی، اس پر 56 سالہ سلمان کہتے ہیں ہوگئی۔‘
سلمان خان نے ویڈیو شیئر کرتے ہوئے لکھا کہ ’ہوئی ہے ناں جاننے کے لیے پرسوں دیکھیں۔
Hui ya na hui…jaanne ke liye parson dekho!!! #ad pic.twitter.com/25WBuooFyY
— Salman Khan (@BeingSalmanKhan) March 5, 2022
واضح رہے کہ اس سے قبل سلمان خان کی اداکارہ سوناکشی سنہا کے ساتھ شادی کی خبریں سوشل میڈیا پر وائرل ہورہی تھیں جس کی سوناکشی سنہا نے تردید کردی تھی۔
سوناکشی سنہا نے پوسٹ پر کمنٹ کرتے ہوئے کہا تھا کہ ‘کیا آپ لوگ اتنے بے وقوف ہیں کہ اصل اور ایڈٹ شدہ تصویر میں فرق نہیں بتاسکتے؟’
اداکارہ کے کمنٹ کو لائک کرنے والوں کی تعداد ہزاروں میں تھی تاہم اس پر صارفین نے اپنی رائے کا بھی اظہار کیا اور جھوٹی خبریں پھیلانے والوں پر تنقید کی۔