site
stats
سائنس اور ٹیکنالوجی

سام سنگ نے اپنے فون نوٹ سیون کی پروڈکشن بند کردی

سیول : مشہور کورین موبائل کمپنی سام سنگ نے اپنے فون نوٹ سیون کی پروڈکشن بند کردی، یہ فیصلہ نوٹ سیون میں بیٹری فالٹ کے باعث آگ لگنے کی وجہ سے کیا گیا ہے۔

غیر ملکی خبررساں ایجنسی اور جنوبی کوریا کی خبررساں ایجنسی نے کمپنی کے حکام کے حوالے سے یہ خبر دی ہے کہ کمپنی نے عارضی طور پر نوٹ سیون سمارٹ فون بنانا بند کر دیا ہے۔

پروڈکشن بند کرنے کا یہ فیصلہ نوٹ سیون میں بیٹری فالٹ کے باعث آگ لگنے کی وجہ سے کیا گیا ہے، کمپنی کے مطابق فون کی پروڈکشن فالٹ دور کر دیئے جانے تک روکی گئی ہے، فالٹ دور کرنے کے بعد پروڈکشن دوبارہ شروع کی جائے گی۔

samsung

سام سنگ نے بیٹری میں فالٹ آنے کے بعد نوٹ سیون کی فروخت روک دی تھی اور دنیا بھر سے فون درست کرنے کیلئے واپس بھی منگوائے تھے۔ مجموی طور پر کمپنی نے پچیس لاکھ فونز واپس منگوائے تھے۔

واضح رہے کہ نوٹ سیون کی بیٹریوں میں چارج ہونے کے دوران پھٹ جانے کے واقعات کے بعد کمپنی نے فون کو واپس لینے کا اعلان کیا تھا۔

امریکا میڈیا کا کہنا ہے کہ ساؤتھ ویسٹ ایئرلائنز کی ایک پرواز کو اس وقت خالی کرانا پڑا، جب وہاں ایک مسافر کے گیلیکسی نوٹ سیون نے آگ پکڑ لی تھی۔

یاد رہے کہ سام سنگ نے نوٹ سیون رواں سال 19 اگست کو متعارف کروایا تھا۔

Print Friendly, PDF & Email
20

Comments

comments

loading...

Most Popular

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top