سانحہ شیخوپورہ : آٹھ افراد کی نماز جنازہ و تدفین، پورا گاؤں سوگوار -
The news is by your side.

Advertisement

سانحہ شیخوپورہ : آٹھ افراد کی نماز جنازہ و تدفین، پورا گاؤں سوگوار

شیخوپورہ : خوفناک ٹریفک حادثہ میں جاں بحق ہونے والے ایک ہی خاندان کے چھ افراد سمیت آٹھ افراد کو نمازہ جنازہ کے بعد سپرد خاک کر دیا گیا۔

تفصیلات کے مطابق ایل پی جی ٹینکر اورکار میں تصادم کے المناک حادثے نے پورا علاقہ سوگوار کردیا۔ پانچ بچوں سمیت آٹھ افراد کو ننکانہ صاحب کے نواحی گاؤں محمود پورہ میں سپرد خاک کردیا گیا۔

اٹھارہ سالہ زنیرہ، چھبیس سالہ شگفتہ، تیس سالہ شازیہ، ولید، حمزہ، حسیب، منیب اور فیضان کے جنازے اٹھے تو ہرآنکھ اشکبار تھی۔ نماز جنازہ میں غم سے نڈھال اہل خانہ سمیت پورے گاؤں نے ہی شرکت کی۔

نماز جنازہ کے بعد جاں بحق افراد کو سپرد خاک کردیا گیا، واضح رہے کہ ایل پی جی ٹینکرپھٹنے کا حادثہ شیخوپورہ کے نزدیکی علاقے کوٹ وارمیں کاراوردو چنگچی رکشاؤں سے تصادم کے نتیجے میں پیش آیا۔

ٹریفک حادثہ  کےسبب تیرہ افراد جاں بحق جبکہ متعدد زخمی ہوئے۔ زخمیوں میں سے بیشتر کی حالت تشویشناک ہے، جنہیں اسپتالوں میں طبی امداد دی جا رہی ہے۔

Comments

comments

یہ بھی پڑھیں