The news is by your side.

Advertisement

سارہ علی خان کا ’باغی 3‘ میں ٹائیگرو شیروف کے ساتھ کام کرنے سے انکار

ممبئی: بالی ووڈ اداکارہ سارہ علی خان نے فلم باغی 3 میں اداکار ٹائیگرو شیروف کے ساتھ کام کرنے سے انکار کردیا۔

بھارتی میڈیا کے مطابق فلم باغی 3 کے لیے اداکار ٹائیگر شیروف کے ساتھ مرکزی کردار ادا کرنے کے لیے سارہ علی خان کو منتخب کیا گیا تھا تاہم سارہ علی خان نے فلم میں کام کرنے سے انکار کردیا۔

سارہ علی خان کی انکار کی وجہ بتاتے ہوئے کہا جارہا ہے کہ فلم میں ان کے سین ٹائیگر شیروف کے مقابلے میں کم تھے اور وہ اسکرین پر کم نظر آتیں۔

یہ پڑھیں: بالی ووڈ اداکارہ سارہ علی خان والدہ کا کون سا کردار ادا کرنے کی خواہشمند؟

بالی ووڈ اداکارہ اپنی دو فلموں کی کامیابی کے بعد کسی ایسی فلم کے انتظار میں ہیں جہاں ان کے کردار کی اہمیت بھی ہیرو کے کردار کے برابر ہو۔

واضح رہے کہ سارہ علی خان کی دو فلمیں کیدرناتھ اور سمبا باکس آفس پر کامیاب ثابت ہوئی ہیں، کیدرناتھ میں سارہ کے ساتھ سشانت سنگھ راجپوت جبکہ سمبا میں رنویر سنگھ نے مرکزی کردار ادا کیا تھا۔

مزید پڑھیں: کیدرناتھ اور سامبا کے بعد سارہ علی خان کو ایک اور فلم کی پیشکش

سارہ علی خان کو ابتدائی دو فلموں کی کامیابی کے بعد تیسری فلم میں ٹائیگر شیروف کے ساتھ مرکزی کردار ادا کرنے کی پیش کش کی گئی تھی۔

یاد رہے کہ فلم باغی کے پہلے سیزن میں اداکارہ شردھا کپور نے اداکاری کے جوہر دکھائے تھے جبکہ دوسرے سیکوئل میں اداکارہ دیشا پٹانی نے مرکزی کردار ادا کیا تھا۔

سارہ علی خان سیف علی خان اور امریتا سنگھ کی بیٹی ہیں، ان کی والدہ امریتا سنگھ نے آخری بار 2014 میں ریلیز ہونے والی عالیہ بھٹ اور ارجن کپور کی فلم ’ٹو اسٹیٹس‘ میں ارجن کپور کی والدہ کا کردار ادا کیا تھا۔

Comments

comments

یہ بھی پڑھیں