The news is by your side.

Advertisement

ریاض : سعودی ایوی ایشن کی جانب سے ایئر شو کا انعقاد

ریاض : سعودی ایوی ایشن کی جانب سے اپنی نوعیت کی پہلی فضائی مظاہروں کی نمائش کا انعقاد کیا گیا جو کہ12مارچ سے14مارچ 2019 تک سعودی دارالحکومت ریاض میں ال تھمامہ ائیر پورٹ کے مقام پرجاری رہے گی۔

تفصیلات کے مطابق ال ترتھ فاؤنڈیشن کے بانی شہزادہ سلطان بن سلمان اور سعودی اسپیس کے بورڈ آف ڈائریکٹر کے چئیرمین نے اس نمائش کا آج باقاعدہ افتتاح کردیا۔

افتتاحی تقریب میں امارات اور سعودی ائیر بس اے380 سمیت مختلف ممالک کے طیارے موجود ہیں، ایوی ایٹر اور اسٹنٹ طیاروں نے اپنی کارکردگی کے جوہر دکھاتے ہوئے فضا کو مختلف رنگوں سے سجا دیا۔

نمائش میں سفیرِ پاکستان راجا علی اعجاز کے ساتھ پاکستانی سفارت خانے کے کمرشل اتاشی عامر حسین نے خصوصی طور پر شرکت کی۔ دنیا بھر سے مختلف بین الاقوامی کمپنیوں اور اداروں کے پندرہ سو سے زائد نمائندگان اس نمائش کا حصہ ہوں گے، جس میں گلوبل انڈسٹریل اور ڈیفینس سولوشن پاکستان کی جانب سے بھی اسٹال لگایا گیا ہے۔

نمائش کا مقصد تجارتی، کاروباری اور ہوائی اڈوں کے بنیادی ڈھانچوں کو فروغ دینا ہے، مذکورہ جگہ پر سو سے زائد واحد اور جڑواں انجن کے ماڈلز، ٹربو پروپس اور ایگزیکٹو طیاروں کی نمائش بھی کی جائے گی۔

اس موقع پر سفیرِ پاکستان راجہ علی اعجاز کا کہنا تھا کہ ہم امید کرتے ہیں کہ اس نمائش سے پاک سعودی مشترکہ فضائی تعلقات کو وسیع پیمانے پر فروغ دینے میں بھی مدد ملے گی۔

Comments

comments

یہ بھی پڑھیں