سعودی عرب نے اردن میں موجود سعودی سفیر نایف السدیری کو فلسطین کے لیے بھی نان ریذیڈنٹ سفیر مقرر کر دیا ہے جو یروشلم کےلیے بھی قونصل جنرل کے فرائض انجام دیں گے۔
غیر ملکی میڈیا کے مطابق تقرری کے بعد نایف السدیری نے اردن کے دارالحکومت عمان میں فلسطینی سفارتخانے کے صدر دفتر میں فلسطینی صدر کے سفارتی امور کے مشیر مجدی الخالدی کو اپنی اسناد پیش کی ہیں۔
نایف السدیری کا کہنا ہے کہ یہ تقرر شاہ سلمان بن عبدالعزیز اور ولی عہد کی جانب سے فلسطینی عوام کے ساتھ تعلقات مضبوط بنانے اور اسے تمام شعبوں میں فروغ دینے کی خواہش پرعمل کی جانب اہم قدم ہے۔
سفير خادم الحرمين الشريفين لدى الأردن نايف السديري، يسلم نسخة من أوراق اعتماده سفيراً فوق العادة وغير مقيم لدى دولة فلسطين، وقنصلاً عاماً بمدينة القدس إلى معالي مستشار الرئيس الفلسطيني للشؤون الدبلوماسية الدكتور مجدي الخالدي في مقر السفارة الفلسطينية بالعاصمة الأردنية عمّان. pic.twitter.com/7pbNllfQsg
— وزارة الخارجية 🇸🇦 (@KSAMOFA) August 12, 2023
دوسری جانب فلسطین کے صدر محمود عباس کے مشیر مجدی الخالدی نے سعودی عرب کی جانب سے اس تقرر کا خیر مقدم کیا ہے اور کہا ہے کہ اس سے دونوں ملکوں کے مستحکم اور ٹھوس برادرانہ تعلقات کو مزید مضبوط بنانے میں مدد ملے گی۔
