سعودی عرب نے اپنے شہریوں پر کورونا کے باعث انڈونیشیا کے سفر پر عائد پابندی ختم کر دی۔
وزارت داخلہ نے پابندی کے خاتمے کا اعلان کرتے ہوئے کہا ہے کہ سعودی شہری اب بالواسطہ یا بلاواسطہ انڈونیشیا کا سفر کر سکتے ہیں۔
وزارت داخلہ کا کہنا ہے کہ انڈونیشیا میں کورونا وائرس کے پھیلاؤ کا ریکارڈ کو مدنظر رکھتے ہوئے پابندی ختم کی گئی ہے۔
پابندی ختم ہونے کے بعد سعودی شہری آزادانہ طور پر انڈونیشیا کا سفر کر سکتے ہیں۔
سعودی عرب نے بھارت سمیت 16 ممالک میں کورونا کے بڑھتے کیسز کے پیش نظر سفری پابندی لگائی تھی۔
پابندی کے شکار ممالک میں بھارت کے علاوہ لبنان، شام، ترکی، افغانستان، ایران، یمن، صومالیہ، ایتھوپیا، کانگو، لیبیا، انڈونیشیا، ویتنام، آرمینیا، بیلاروس اور وینزویلا شامل تھے۔
