The news is by your side.

Advertisement

محمد بن سلمان کی فرانسیسی وزیر دفاع سے ملاقات، اہم سمجھوتے پر دستخط

ریاض: سعودی شہزادے محمد بن سلمان نے فرانسیسی وزیر دفاع فلورنس بیرلی سے ملاقات کی اور اہم سمجھوتے پر دستخط کیا۔

تفصیلات کے مطابق سعودی ولی عہد محمد بن سلمان کی فرانسیسی وزیر دفاع سے ملاقات جدہ میں ہوئی جہاں ایک عسکری سمجھوتے پر دستخط کیا گیا۔

عرب میڈیا کے مطابق اس سمجھوتے کے تحت دونوں ملکوں کے درمیان اہم اور خاص قسم کی معلومات کا تبادلہ ہوگا، جبکہ ملاقات کے دوران دونوں رہنماؤں نے باہمی تعلقات کی بہتری پر بھی زور دیا۔

اس دوران دونوں ملکوں کے بیچ دفاع کے شعبے میں تعاون اور اس کو مضبوط بنانے کے امکانات کا جائزہ لیا گیا، علاوہ ازیں دونوں شخصیات نے علاقائی صورت حال اور تازہ ترین پیش رفت پر بھی تبادلہ خیال کیا۔


سعودی شہزادے کا دورہ فرانس، 18 ارب ڈالر کے معاہدے طے پاگئے


اس اہم سمجھوتے پر دست خط کے موقع پر سعودی عرب کے وزیر دفاع کے معاون محمد العایش، چیف آف اسٹاف جنرل فیاض الرویلی، وزیر دفاع کے دفتر کے ڈائریکٹر جنرل ہشام آل شیخ، وزیر دفاع کے عسکری مشیر طلال العتیبی اور فرانس اور سوئٹزرلینڈ میں سعودی عسکری اتاشی ولید السیف بھی موجود تھے۔

دوسری جانب فرانس کی جانب سے بھی اعلیٰ حکومتی عہدیداران نے شرکت کی، خیال رہے کہ سعودی عرب اور فرانس کے درمیان تعلقات محمد بن سلمان کے دورہ فرانس کے بعد مزید مضبوط ہوئے ہیں۔


سعودی شہزادہ کی فرانسیسی وزیر اعظم سے ملاقات، اہم امور پر تبادلہ خیال


یاد رہے کہ سعودی ولی عہد محمد بن سلمان نے رواں سال اپریل میں فرانس کا دورہ کیا تھا جو ایک اہم دورہ ثابت ہوا تھا، اس دوران دونوں ملکوں کے درمیان تقریباً اٹھارہ ارب ڈالر کے مختلف معاہدے طے پائے تھے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں