سعودی وزارت حج و عمرہ نے انتباہ جاری کرتے ہوئے کہا ہے کہ عمرہ پر آنے والے مسافر اپنے ہمراہ ممنوعہ اشیاء نہ لائیں۔
غیر ملکی ذرائع ابلاغ کے مطابق وزارت حج و عمرہ کا اپنے ایکس (ٹوئٹر) اکاؤنٹ پر جاری وضاحتی بیان میں کہنا تھا کہ تمام عمرہ زائرین جو کسی بھی راستے سے مملکت میں داخل ہوتے ہیں وہ اپنے ہمراہ مملکت میں کسی بھی قسم کی ممنوعہ اشیاء نہ لائیں۔
وزارت حج و عمرہ کا کہنا ہے کہ ممنوعہ اشیا لانے والوں کو قانونی مسائل کا سامنا کرنا پڑے گا جس سے انہیں مشکلات بھی پیش آسکتی ہیں۔
وزارت حج و عمرہ کے مطابق ممنوعہ اشیاء میں لیزر و آتش بازی کا سامان، جعلی کرنسی اور غیر رجسٹرڈ ادویہ وغیرہ شامل ہیں، کسی انجان شخص سے کوئی چیز وصول نہ کریں کیونکہ اس طرح وہ کسی بھی مشکل میں پڑ سکتے ہیں۔
سعودی عرب: بے ضرورت ویزے جاری کرانے پر سخت کارروائی کا فیصلہ
عمرہ کی غرض سے بیرون ملک سے آنے والے زائرین مملکت آمد سے قبل اس حوالے سے پہلے تسلی کرلیں کہ وہ جو ادویہ لا رہے ہیں وہ مملکت میں منع تو نہیں۔
