خادم حرمین شریفین شاہ سلمان بن عبد العزیز نے اہم اقدام کرتے ہوئے شہریوں کو بڑا ریلیف دینے کا فیصلہ کیا ہے۔
ایسے افراد جو کہ سوشل انشورنس کے مستحق ہیں سعودی فرمانروا کی جانب سے ان کے بنیادی الاؤنس میں 20 فیصد اضافے کی منظوری دے دی گئی ہے۔
سعودی پریس ایجنسی نے بتایا کہ سعودی بادشاہ نے شہریوں کے لیے مہنگائی الاؤنس میں بھی تین ماہ توسیع کی منظوری دی ہے۔ سوشل انشورنس کی خدمات اور معیار کو بہتر بنانے کی بھی ہدایت کی گئی ہے۔
- Advertisement -
شاہی منظوری کے تحت شہریوں کے لیے مہنگائی الاؤنس میں اندراج کا عمل بھی آئندہ تین ماہ تک جاری رہے گا۔
شہریوں کو دیے جانے والے مہنگائی الاؤنس کے حوالے سے مزید بتایا گیا ہے کہ شاہی منظوری میں واضح کیا گیا ہے کہ مہنگائی الاؤنس دسمبر 2023 تک جاری رہے گا۔
