سوات / راولپنڈی : شوہرنے بیوی کو مار ڈالا، پسند کی شادی کرنیوالا جوڑا غیرت کے نام پر قتل -
The news is by your side.

Advertisement

سوات / راولپنڈی : شوہرنے بیوی کو مار ڈالا، پسند کی شادی کرنیوالا جوڑا غیرت کے نام پر قتل

سوات / راولپنڈی : عدالت میں پیشی پر آنے والی خاتون کو اس کے شوہر نے خنجر کے وار کر کے قتل کردیا، راولپنڈی میں پسند کی شادی کرنے والے جوڑے کو کار سواروں نے فائرنگ کرکے مارڈالا۔

تفصیلات کے مطابق خیبر پختونخوا کے ضلع سوات کی عدالت میں 28سالہ عظمیٰ بی بی نے اپنے شوہر کیخلاف تنسیخ نکاح نان نفقہ، حق مہر اور علیحدگی کا مقدمہ دائر کر رکھا تھا۔

مینگورہ کے نواحی علاقے کوکاری سے تعلق رکھنے والی عظمیٰ جب عدالت پہنچی تو ملزم عارف نے اس پر خنجر کے وار کرکے زخمی کردیا، زخمی عظمیٰ کو اسپتال منتقل کیا جا رہا تھا کہ وہ راستے مین زخموں کی تاب نہ لاتے ہوئے جاں بحق ہوگئی، پولیس نے ملزم عارف کو گرفتار کرکے اس کے خلاف قتل اور دہشت گردی کے دفعات کے تحت مقدمہ درج کر لیا ہے۔

دوسری جانب راولپنڈی چکری روڈ پر پسند کی شادی کرنے والے جوڑے کو غیرت کے نام پر قتل کردیا گیا، پولیس کا کہنا ہے اخلاق اور رمشا نامی میاں بیوی پر مسلح کارسواروں نے فائرنگ کی ۔

مقتولین نے چند روز پہلے ہی پسند کی شادی کی تھی۔ اس حوالے سے ذرائع کا کہنا ہے کہ پسند کی شادی کرنے والےجوڑے کو فریقین میں صلح کے بعد قتل کیا گیا، مقتول نوجوان کے والد نے پولیس کو بیان دیا ہے کہ قتل میں رمشا کا چچازاد بھائی ملوث ہے۔

Comments

comments

یہ بھی پڑھیں