لاہور: شائقین کرکٹ کے لئے بڑی خوشخبری ہے کہ پی ایس ایل سیزن سکس کے بقیہ میچز کا شیڈول تیار کرلیا گیا ہے۔
تفصیلات کے مطابق پی ایس ایل سیزن سکس کےبقیہ میچز کا شیڈول تیار کرلیا گیا ہے، شیڈول کے مطابق بائیس مئی سے اٹھائیس مئی تک تمام ٹیمیں قرنطینہ کرینگی، قرنطینہ مکمل ہونے کے بعد انتیس مئی سے اکتیس مئی تک تمام ٹیمیں پریکٹس کرے گی۔
ذرائع کے مطابق یکم جون سے پی ایس ایل سکس کے بقیہ میچز کا آغاز ہوگا، سولہ جون کو پلے آف میچز کھیلے جائیں گے، 17اور 18جون کوایلیمنیٹر میچ ہوں گے جبکہ فائنل 20 جون کو کھیلا جائے گا۔
ذرائع کے مطابق دفاعی چیمپئن کراچی کنگز دو جون کو ملتان سلطانز کے مد مقابل ہوگی، چھ جون کو کراچی کنگز کا ٹاکرا پشاور زلمی سے ہوگا، دس جون کو کراچی کنگز اور کوئٹہ گلیڈی ایٹرزکامیچ ہوگا جبکہ کراچی کنگز اور لاہور قلندرز12جون کو ٹکرائیں گی۔
ذرائع کے مطابق بائیو سکیور ببل کے لیے غیر ملکی کمپنی کی خدمات حاصل کی جائیں گی اور کھلاڑیوں کی دستیابی یا عدم دستیابی کے فیصلے کے بعد ڈرافٹ کا انعقاد ہو گا۔
واضح رہے کہ پاکستان سپر لیگ میں کورونا کیسز سامنے آنے کے بعد ایونٹ کو 14 میچز کے بعد ملتوی کردیا گیا تھا جس کے اب مزید 20 میچز باقی ہیں۔
PCB confirms schedule of remaining PSL 6 matches
Read more: https://t.co/Yv5zkeWejZ#PSL6 pic.twitter.com/KkuL80hsPB
— Cricket Pakistan (@cricketpakcompk) April 11, 2021
اس کے علاوہ پی ایس ایل سکس میں بائیو سیکیورببل کی ناکامی کے اسباب جاننے کے لئے بنائی گئی فیکٹ فائنڈنگ پینل نے اپنی تیار کردہ رپورٹ پاکستان کرکٹ بورڈ کو بھیج دی ہے۔
پاکستان کرکٹ بورڈ رپورٹ کا تفصیلی جائزہ لینے کے بعد آئندہ کے لائحہ عمل کا تعین کرے گا فیکٹ فائنڈنگ پینل وبائی امراض کے ماہر ڈاکٹر سید فیصل محمود اور ڈاکٹر سلمہ محمد عباس پر مشتمل ہے۔