انٹرنیٹ پر ننھے پاکستانی طالب علم کی ویڈیو وائرل ہوئی جو طبلہ بجانے میں مہارت رکھتا ہے۔
تفصیلات کے مطابق چیئرمین سینٹرل فلم سینسر بورڈ دانیال گیلانی نے اپنے ٹویٹر اکاؤنٹ پر ایک نامعلوم بچے کی ویڈیو شیئر کی جو اسکول یونیفارم پہنا ہوا ہے۔
ویڈیو میں دیکھا جاسکتا ہے کہ ننھے طبلہ ماسٹر نے مہارت کے ساتھ پاکستان کی صوبائی ثقافتی دھنیں بجائیں۔
دانیال گیلانی کی شیئر کردہ ویڈیو کو اب تک 18 ہزار سے زائد صارفین دیکھ چکے جبکہ 2 ہزار 3سو سے زائد نے اسے ری ٹویٹ کیا اور سیکڑوں کی تعداد میں لوگوں نے اسے پسند کیا۔
Little Master 🎶 🥁
See how this little boy plays folk tunes of four provinces of Pakistan on a tabla. #BeautifulPakistan #SundayMorning pic.twitter.com/7PWBYJlNHu
— Danyal Gilani (@DanyalGilani) October 6, 2019
ویڈیو پر ایک صارف نے کمنٹس کر کے دعویٰ کیا کہ یہ بچہ پنجاب کے علاقے بھورے والا کا رہائشی ہے۔ ننھے طبلہ ماسٹر کی مہارت کو دیکھ کر صارفین نے اُسے داد دی اور بہتر مستقبل کے لیے نیک خواہشات کا اظہار بھی کیا۔
