ناگپور: بھارت میں مسافر طیارے میں خاتون کو بچھو نے کاٹ لیا۔
بھارتی میڈیا کے مطابق یہ واقعہ گزشتہ ماہ ایئر انڈیا کے جہاز میں پیش آیا، طیارہ ناگپور سے ممبئی جارہا تھا۔
بھارتی ایئر لائن کے مطابق طیارہ ایئرپورٹ پر اترنے کے بعد ڈاکٹر نے خاتون کا معائنہ کیا اور بعد ازاں اسپتال میں علاج کے بعد انہیں ڈسچارج کردیا گیا۔
- Advertisement -
ایئرپورٹ کی لفٹ سے گر کر خاتون ہلاک، خوفناک ویڈیو سامنے آگئی
بھارتی ایئر لائن نے واقعے کو بدقسمتی قرار دیتے ہوئے کہا ہے کہ پروٹوکول کے مطابق طیارے کا مکمل معائنہ کر کے بچھو کو ڈھونڈ لیا گیا اور جہاز میں فیومیگیشن بھی کردی گئی۔
بھارتی میڈیا کے مطابق اس سے قبل بھی جہاز میں رینگنے والے جانور پائے جانے کے واقعات سامنے آئے ہیں، گزشتہ سال دسمبر میں ایئر انڈیا ایکسپریس کے کارگو ہولڈ میں سانپ ملا تھا۔
