The news is by your side.

Advertisement

لاڑکانہ جیل میں‌ سرچ آپریشن، پولیس کی مبینہ فائرنگ سے متعدد قیدی زخمی

لاڑکانہ : سندھ پولیس نے لاڑکانہ جیل میں سرچ آپریشن کا آغاز کردیا، قیدیوں نے پولیس پر پتھراؤ اور جیل میں توڑ پھوڑ شروع کردی۔

تفصیلات کے مطابق سندھ پولیس کی جانب سے لاڑکانہ جیل میں غیرقانونی سرگرمیوں کے خلاف آپریشن شروع کردیا، پولیس کے جیل میں آپریشن کے دوران قیدیوں نے مزاحمت کرنا شروع کردی۔

قیدیوں کی جانب سے پولیس اہلکاروں پر پتھراؤ کیا جبکہ جیل میں توڑ پھوڑ بھی کی گئی، پولیس کیجانب سے قیدیوں کو منتشر کرنے کےلیے آنسو گیس کی شیلنگ کی بھی گئی۔

ذرائع کا کہنا ہے کہ مبینہ طور پر پولیس فائرنگ سے متعدد قیدیوں کے زخمی ہونے کی اطلاعات بھی ہیں۔

ذرائع کے مطابق پولیس حکام نے ضلع بھر کی نفری کو جیل میں طلب کرلیا ہے جبکہ رینجرز بھی موجود ہے۔

جیل سپرنٹنڈنٹ کا کہنا ہے کہ جیل میں قیدیوں کے پاس موبائل فونز موجود ہیں اور موبائل فونز کی برآمدگی کےلیے ہی آپریشن کیا جارہا ہے۔

Comments

یہ بھی پڑھیں