site
stats
صحت

کٹ کیٹ چاکلیٹ میں شامل خفیہ چیز

چاکلیٹ بچوں اور بڑوں سب ہی کو پسند ہوتی ہے لیکن ہم میں سے بہت کم افراد جانتے ہیں کہ چاکلیٹ میں کوکو کے بیجوں کے علاوہ اور کیا کیا شامل کیا جاتا ہے۔

کٹ کیٹ چاکلیٹ بھی ایک عالمی برانڈ ہے جس کی کم مٹھاس اور ویفرز والی چاکلیٹ دنیا بھر میں بہت شوق سے کھائی جاتی ہے۔

لیکن اس چاکلیٹ میں کیا شامل کیا جاتا ہے یہ ایک خفیہ راز ہے۔

مزید پڑھیں: چاکلیٹ کا عالمی دن چاکلیٹ کھا کر منائیں

تاہم برطانوی خبر رساں ادارے بی بی سی کو انٹریو دیتے ہوئے کٹ کیٹ چاکلیٹ کی فیکٹری میں کام کرنے والے ایک رکن نے اس راز سے پردہ اٹھا دیا۔

اس کے مطابق کٹ کیٹ چاکلیٹ کے اندر ٹوٹی ہوئی کٹ کیٹ چاکلیٹس ہی شامل کی جاتی ہے۔

حیران رہ گئے نا؟

دراصل چاکلیٹ بناتے ہوئے نفاست اور صفائی کا بے حد خیال رکھا جاتا ہے اور کوشش کی جاتی ہے کہ تیار شدہ چاکلیٹ کی ظاہری شکل میں کوئی نقص نہ ہو اور وہ بدنما یا خراب نہ لگے۔

لیکن ایسا ہر چاکلیٹ کے ساتھ نہیں ہوتا۔ کچھ چاکلیٹس تیاری کے دوران ٹوٹ جاتی ہیں، ان کی ساخت خراب ہوجاتی ہے یا ان پر بلبلے نمودار جاتے ہیں۔

ایسی چاکلیٹوں کو مارکیٹ میں نہیں جانے دیا جاتا اور انہیں توڑ کر پھر سے چاکلیٹ کے محلول میں ڈال دیا جاتا ہے جس کے بعد وہ نئی چاکلیٹس میں شامل ہوجاتی ہیں۔

تو اس چاکلیٹ میں شامل خفیہ جز کو جاننے کے بعد آپ کو کیسا لگا؟


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top