site
stats
خیبر پختونخواہ

محرم الحرام کی آمد ‘ ڈی آئی خان میں سیکیورٹی سخت

ڈیرہ اسماعیل خان: محرم الحرام کی آمد کے پیش ِ نظر ضلع بھر میں سیکیورٹی کے سخت انتظامات کیےجارہے ہیں، ڈیرہ اسماعیل خان میں ساڑھے پانچ ہزار سے زائد اہلکار اپنے فرائض انجام دیں گے۔

ڈی پی او ڈیرہ لیفٹینٹ کمانڈر (ر)یاسر آفرید ی نے پریس کانفرنس کے دوران بتایا کہ محرم الحرام کی سیکورٹی کو مد نظر رکھتے ہوئے ضلع کودس سیکٹرز میں تقسیم کیا گیا ہے ۔ ہر سیکٹر انچارچ ایس پی /ڈی ایس پی رینک کا آفسر رکھا گیا ۔

ضلع میں کل 66تھلہ جات ہیں جن میں 26رجسٹرڈ اور چالیس غیر رجسٹرڈ ہیں تمام ضلع میں 174جلوس نکالے جائیں گے جن میں سے 71رجسٹرڈ اور 103غیر رجسٹرڈ ہیں انہوں نے کہا کہ محرم الحرام کے دوران 642مجالس منعقد کی جائیں گی۔

جلوسوں اور مجالس کی سیکورٹی پر تین ایس پی ،دس ڈی ایس پیز ، پندرہ انسپکٹرز ،95سب انسپکٹرز ،146اسسٹنٹ سب انسپکٹرز،500ہیڈ کانسٹیبلز،4955کانسٹیبلز سمیت کل 5781پولیس اہلکار ڈیوٹیاں سر انجام دیں گے ۔اس کے علاقہ پاک فوج کی بھی 20QRFسیکورٹی سرانجام دیں گی ۔

ضلع میں 83داخلی خارجی پوائنٹس پر ناکہ بندیاں ہونگی ۔ان میں سے 18ناکہ بندیوں پر پاک فوج کے ساتھ پولیس کے جوان بھی ڈیوٹی سرانجام دیں گے ۔ انہوں نے کہا کہ میڈیا کا معاشرے میں اہم کردار ہے جس کو نظر انداز نہیں کیا جاسکتا پولیس نے محرم الحرام کے دوران سیکورٹی کے فول پروف انتظامات کررکھے ہیں ۔کسی کو شر پسندی کی اجازت نہیں دیں گے ۔

واضح رہے کہ ڈیرہ اسماعیل خان میں گزشتہ سالوں کے دوران سیکیورٹی کی صورتحال انتہائی نازک رہی ہے اوردہشت گردی کے کئی واقعات دیکھنے میں آئے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top