کراچی: معروف سینئر صحافی ادریس بختیار طویل علالت کے بعد انتقال کرگئے وہ دل کے عارضے میں مبتلا تھے، وہ پچاس سال سے زیادہ عرصے تک شعبۂ صحافت سے وابستہ رہے۔
تفصیلات کے مطابق ادریس بختیار کو تین روز قبل طبیعت ناسازی کے بعد قومی ادارہ برائے امراضِ قلب کے اسپتال لایا گیا جہاں ڈاکٹرز نے انہیں طبی امداد فراہم کی تاہم وہ جانبر نہ ہوسکے۔
اہل خانہ نے اُن کے انتقال کی تصدیق کردی جبکہ اُن کی میت کو ایدھی سرد خانے منتقل کردیا گیا، مرحوم کا نمازِ جنازہ بعد نمازِ فجر گلشن اقبال 13 ڈی وسیم باغ مسجد میں ادا کیا جائے گا۔
صحافت کا درخشندہ ستارے کے بجھ جانے پر سب ہی افسردہ ہیں، صحافیوں اور سیاسی شخصیات نے ادریس بختیار کے انتقال کو بڑا سانحہ قرار دیتے ہوئے کہا کہ اس خلا کو پورا کرنا ناممکن ہوگا۔
ادریس بختیار نے پیشہ ورانہ زندگی کا آغاز حیدر آباد سے کیا تاہم جلد ہی کراچی منتقل ہوگئے تھے، وہ طویل عرصے تک برطانوی نشریاتی ادارے سے وابستہ رہےاور کئی نامور اخبارات میں کام کرچکے تھے۔
پیپلزپارٹی کے چیئرمین بلاول بھٹو زرداری نے ادریس بختیار کے انتقال پر افسوس کا اظہار کرتے ہوئے کہا کہ اُن کا صحافتی سفر ناقابلِ فراموش تاریخ ہے، اس دکھ کے موقع پر میں اُن کے اہل خانہ اور صحافتی برادری کے ساتھ ہوں۔
وزیراعلیٰ سندھ سید مراد علی شاہ کا سینئر صحافی ادریس بختیار کے انتقال پر گہرے دکھ کا اظہار کرتے ہوئے مرحوم کو خراج تحسین پیش کیا، اُن کا کہنا تھا کہ مرحوم ایک بہترین صحافی اور زبردست انسان تھے، اُن کی خدمات ہمیشہ یاد رکھی جائیں گی
مسلم لیگ ن کی ترجمان مریم اورنگزیب نے کہا کہ ادریس بختیار پاکستانی صحافت کا ایک بڑا معتبر حوالہ تھے اور جرات مندی سے اپنا نکتہ نظر پیش کرتے تھے.
ادریس بختیار پاکستانی صحافت کا ایک بڑا معتبر حوالہ تھے
انہوں نے ملکی اور غیرملکی ذرائع ابلاغ میں شاندار پیشہ وارنہ نام کمایا .کالم نگار کے طورپر حساس اور نازک موضوعات پر بھی جرات مندی سے اپنا نکتہ نظر پیش کرتے رہے.اللہ تعالی مرحوم کو اپنے جوار رحمت میں جگہ عطاءفرمائے.— Marriyum Aurangzeb (@Marriyum_A) May 29, 2019
An icon of journalism, a man of principle and integrity, #Idrees Bakhtiar is no more.
May Allah bless his soul and condolences with the family and journalist community at large. pic.twitter.com/JyFr3fyIPJ
— Jan Achakzai (@Jan_Achakzai) May 29, 2019
میئر کراچی وسیم اختر کا اپنے تعزیتی بیان میںکہنا تھا کہ ادریس بختیار کے انتقال سے نہ صرف کراچی بلکہ پاکستان کا بہت بڑا نقصان ہوا، اللہ مرحوم کی مغفرت فرمائے اور لواحقین کو صبر جمیل عطا فرمائے.
سینئرصحافی ادریس بختیار کے انتقال پر آئی جی سندھ ڈاکٹرسیدکلیم امام نے انتہائی دکھ اور افسوس کا اظہار کیا ہے۔
انہوں نے اپنے تعزیتی بیان میں کہا کہ اللہ پاک مرحوم کی مغفرت فرمائے اور اہل خانہ کو صبراور استقامت کے ساتھ اس صدمے کو برداشت کرنیکی توفیق دے۔آمین
— Sindh Police (@sindhpolicedmc) May 29, 2019