site
stats
عالمی خبریں

انقرہ : کرد باغیوں کے حملوں میں ترکی کے چھ فوجیوں سمیت 7افراد ہلاک

انقرہ :عراق کی سرحد کے قریب کرد باغیوں کے حملوں میں ترکی کے چھ فوجیوں سمیت سات افراد جاں بحق،جبکہ حملوں میں پندرہ افراد زخمی ہوگئے.

تفصیلات کےمطابق ترکی میں عراقی بارڈر سے متصل صوبے ہکاری میں کرد باغیوں کے دو مختلف حملوں میں چھ فوجیوں سمیت سات افراد جان کی بازی ہار گئے،حملوں میں دس فوجیوں سمیت پندرہ افراد زخمی ہوگئے ،زخمیوں میں سے ایک کی حالت تشویشناک بتائی جاتی ہے.

ترک آرمی کی جانب سے جاری بیان میں کہا گیا ہے پہلے واقعے میں گشت پر مامور فوجی گاڑی سڑک کنارے نصب بم سے ٹکراگئی جس کے نتیجے میں پانچ فوجی جان کی بازی ہار گئے.

دوسرے واقعے میں کار بم دھماکے کے نتیجے میں ایک فوجی اہلکار سمیت مقامی گارڈ مارا گیا،واقعے کے بعد سیکیورٹی فورسز کی بھاری نفری طلب کرکے علاقے میں آپریشن شروع کردیا گیا ہے.

یاد رہے کہ ترک افواج 1984 سے باغیوں کے خلاف لڑائی میں مصروف ہیں جس کے نتیجے میں اب تک ہزاروں افراد مارے جاچکے ہیں.

واضح رہے کہ گزشتہ سال جولائی سے فوج اور باغیوں کے درمیان جاری لڑائی شدت اختیار کرگئی ہے جس کے باعث چارسو کے قریب سیکیورٹی اہلکار جاں بحق ہوچکےہیں.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top