ممبئی: فلم ’ڈنکی‘ کا پہلا ٹیزر جاری کرنے کے ایک دن بعد بالی وڈ ’کنگ‘ شاہ رخ خان نے دو نئے پوسٹر جاری کر دیے جنہیں مداحوں نے بے حد پسند کیا۔
’ڈنکی‘ کے پہلے پوسٹر میں شاہ رخ خان اعتماد کے ساتھ کیمرے کی جانب پیدل چلے آ رہے ہیں، تاپسی پنو، وکی کوشل، وکرم کوچر اور انیل گروور ان کے ہمراہ ہیں۔ کوٹ پینٹ میں ملبوس کرداروں کے ہاتھوں میں فائیلیں ہیں جس سے تاثر پیدا ہوتا ہے کہ وہ انٹرویو کیلیے جا رہے ہیں۔
فلم کے دوسرے پوسٹر میں کردار شاہ رخ خان کی قیادت میں پہاڑی علاقے کا سفر کر رہے ہیں۔ اس میں سُپر اسٹار پُر امید جبکہ دیگر کے چہروں پر تھکاوٹ عیاں ہے۔
Hum bilkul usi tarah dikh rahe hain jaise Raju sir ne apne “Ullu ke patthon” ko imagine kiya tha….
Inke baare mein bahot kuch share karna abhi baaki hai…The #DunkiDrop1 is out now.
Watch it here: https://t.co/OlicweXz7M#Dunki releases worldwide in cinemas this Christmas… pic.twitter.com/cNdOum9bzG— Shah Rukh Khan (@iamsrk) November 4, 2023
سماجی رابطوں کی ویب سائٹ ایکس پر پوسٹرز شیئر کرتے ہوئے شاہ رخ خان نے لکھا کہ ہم بالکل اُسی طرح نظر آ رہے ہیں جیسے راجو سر (راج کمار ہرانی) نے اپنے الو کا پٹھا کا تصور کیا تھا، ان کے بارے میں بہت کچھ شیئر کرنا باقی ہے۔
ڈونکی فلائٹ کے تصور پر مبنی، برطانیہ، کینیڈا اور امریکا جیسی اقوام کیلیے بیک ڈور انٹری کی ایک غیر قانونی تکنیک، شاہ رخ خان نے فلم میں ہارڈی نامی شخص کا کردار ادا کیا جو اپنے دوستوں کے ساتھ لندن جانا چاہتا ہے۔
’ڈنکی‘ ریڈ چلیز انٹرٹینمنٹ، راج کمار ہرانی اور جیو اسٹوڈیوز کی مشترکہ پیشکش ہے جس کی عکس بندی بوڈاپیسٹ، متحدہ عرب امارات اور مقبوضہ کشمیر جیسے متعدد مقامات پر کی گئی۔
