بالی ووڈ کے بادشاہ شاہ رخ خان کا کہنا ہے کہ انہوں نے ’جوان‘ کی تیاری کے لیے کئی اداکاروں کی فلمیں دیکھیں۔
بھارتی میڈیا رپورٹس کے مطابق اداکار شاہ رخ خان نے سوشل میڈیا پر ’آسک ایس آر کے‘ کے نام سے مداحوں کے ساتھ سوالات و جوابات کا سیشن رکھا۔
ایک مداح نے سوال کیا کہ کیا آپ نے جوان میں اپنے کردار کے لیے بہت سی فلمیں دیکھی ہیں؟
شاہ رخ خان نے بتایا کہ ’وہ وجے، اللو ارجن اور رجنی کانت کی فلمیں دیکھ چکے ہیں۔‘
انہوں نے کہا کہ ’میں نے ہدایت کار ایٹلی کی بہت سی فلمیں دیکھیں ہیں جس سے جوان کے کردار کو نبھانے میں مدد ملی۔‘
I watched a lot of films of Atlee. Vijay sir. Allu Arjun ji. Rajni sir. Yash and loads of other stars to understand the language of expression for the world that was being created. And yes then prepped for my own character too. #Jawan https://t.co/F23f2YY2sU
— Shah Rukh Khan (@iamsrk) July 13, 2023
واضح رہے کہ شاہ رخ خان کی فلم ’جوان‘ کا ٹریلر گزشتہ دنوں ریلیز کیا گیا جسے مداحوں کی جانب سے خوب سراہا جارہا ہے اور یوٹیوب پر بھی ٹریلر کو لاکھوں ویوز حاصل ہوچکے ہیں۔
شاہ رُخ خان کو جوان کے ٹریلر میں مختلف اوتار میں دکھایا گیا ہے، ایک سین میں اداکار کے چہرے کو مکمل طور پر پٹیوں سے ڈھکا ہوا دکھایا گیا جبکہ دوسرے سین میں شاہ رُخ نے آدھے چہرے پر ماسک لگا رکھا ہے، ایک اور ٹرین کے سین میں اداکار سرمنڈوائے نظر آئے۔
اس فلم میں کنگ خان نے دوہرا کردار ادا کیا ہے، ساؤتھ انڈین فلمساز ایٹلی کی ہدایت کاری میں بننے والی فلم ’جوان‘ 7 ستمبر کو بڑے پردے کی زینت بنے گی۔
بھارتی میڈیا کے مطابق ’جوان‘ میں بالی وڈ کے سپراسٹار سنجے دت اور دیپیکا پڈوکون بھی جلوہ گر ہوں گے، فلم کی کاسٹ میں نینتھارا، وجے سیتھوپتی ودیگر بھی شامل ہیں۔
