اسلام آباد: سابق وزیراعظم و مسلم لیگ(ن) کے مرکزی رہنما شاہدخاقان عباسی نجی اسپتال سےڈسچارج ہوگئے جس کے بعد انہیں اڈیالہ جیل منتقل کردیا گیا ہے۔
تفصیلات کے مطابق 7 نومبر کو اسلام آباد کےنجی اسپتال میں شاہد خاقان عباسی کا ہرنیا کا کامیاب آپریشن کیا گیا تھا جس کے بعد انہیں وارڈ میں منتقل کیا گیا تھا۔
ڈاکٹرز نے شاہد خاقان عباسی کو ایک ہفتے کے لیے اسپتال میں رہنے کی ہدایت کی تھی ۔
یہ بھی پڑھیں: شاہد خاقان عباسی کی نجی اسپتال میں کامیاب سرجری
اس دوران عدالتی اجازت پر3 لیگی رہنماؤں نےشاہدخاقان عباسی کی عیادت کی، ملاقات کرنےوالوں میں مرتضی جاویدعباسی،محسن رانجھا، برجیس طاہرشامل تھے۔
یاد رہے کہ 4 نومبر کو محکمہ داخلہ پنجاب نے سابق وزیراعظم شاہد خاقان عباسی کو نجی اسپتال منتقل کرنے کی منظوری دی تھی۔
اسی روز شاہد خاقان کو سرجری کے لیے نجی اسپتال منتقل کیا گیا تھا تاہم بلڈ پریشر بڑھنے پر سرجری مؤخر کی گئی تھی اور 7 نومبر کو آپریشن کیا گیا تھا۔
