کراچی: قومی کرکٹ ٹیم کے سابق کپتان کی اہلیہ شرینا اکرم نے فلم پنجاب نہیں جاؤں گی کو انگریزی زبان میں دیکھنے کی خواہش کا اظہار کردیا، شرینا کا کہنا ہے کہ پاکستانی فلموں کو انگریزی سب ٹائٹلز کے ساتھ نشر کیا جانا چاہیے۔
تفصیلات کے مطابق شرینا اکرم نے گزشتہ روز سماجی رابطے کی ویب سائٹ پر اپنی ایک تصویر شیئر کی جس میں انہوں نے لکھا کہ ’میں تو پنجاب ہوکر آگئی‘۔
Main tou Punjab hoker aagai #PunjabNahiJaungi ☺️ pic.twitter.com/Tb2yKfFTF1
— Shaniera Akram (@iamShaniera) September 27, 2017
اے آر وائی کے بینر تلے بننے والی فلم پنجاب نہیں جاؤں گی کے مرکزی کردار ہمایوں سعید نے وسیم اکرم کو اہلیہ کو جواب دیتے ہوئے کہا کہ ’میں آپ کو فلم پنجاب نہیں جاؤں گی جلد انگریزی سب ٹائٹل کے ساتھ دکھاؤں گا‘۔
I have to show you #PunjabNahiJaungi with english subtitles inshallah…:)
— Humayun Saeed (@iamhumayunsaeed) September 27, 2017
ہمایوں سعید کے ٹویٹ پر وسیم اکرم نے اس خواہش کا اظہار کیا کہ میں بھی دیکھنے کا خواہش مند ہوں لہذا مجھے بھی دعوت دی جائے۔
Hey you I want to watch it as well any chance of inviting?
— Wasim Akram (@wasimakramlive) September 27, 2017
شرینا اکرم نے ہمایوں سعید کے ٹویٹ کے جواب میں کہا کہ ’پاکستان میں تیار ہونے والی اردو فلموں کو انگریزی سب ٹائٹلز کے ساتھ نشر کرنے کی ضرورت ہے تاکہ اردو نہ سمجھنے والے افراد بھی پاکستانی سینیما سے محضوض ہوسکیں‘۔
Pakistani movies should have English subtitles so non urdu speaking people around the world can also enjoy our blossoming era of cinema https://t.co/qCAl8I9UQv
— Shaniera Akram (@iamShaniera) September 28, 2017
یاد رہے کہ رواں سال عید قرباں پر اے آر وائی کے مشترکہ تعاون سے بننے والی فلم پنجاب نہیں جاؤں گی ریلیز کی گئی جس نے باکس آفس پر نہ صرف راج کیا بلکہ یہ فلم پاکستانی انڈسٹری کی سب سے زیادہ کمانے والی فلم ثابت ہوئی۔
