شکارپور: کشمور انڈس ہائی وے شجرع لاڑو کے مقام پر ڈاکوؤں نے پولیس موبائل پر جانب راکٹ لانچرز سے حملہ کیا ہے۔
تفصیلات کے مطابق کشمور شکارپور انڈس ہائی وے ناپر کوٹ تھانے کی حدود پر گشت کے دوران پولیس موبائل پر ڈاکوؤں نے راکٹ سے حملہ کردیا جس کے نتیجے میں 5 پولیس اہلکار شدید زخمی اور ملزمان فرار ہوگئے۔
پولیس کے مطابق زخمی ہونے والے میں یوسف وحید، محسن جنسار، اور اختر شامل ہیں زخمیوں کو سول اسپتال شکار پور لایا گیا جبکہ دو پولیس اہلکاروں کی حالت تشویشناک ہونے پر سکھر کے نجی اسپتال منتقل کیا گیا ہے۔
حکام نے بےایا کہ پولیس موبائل انڈس ہائی وے پر معمول کا گشت کررہی تھی شجراع لاڑو کے مقام پر واردات کے ارادے سے کھڑے ڈاکوؤں نے پولیس موبائل کو دیکھ کر جدید اسلحے سے فائرنگ کردی۔
پولیس کے مطابق پولیس کی جوابی فائرنگ سے ڈاکو فرار ہوگئے، پولیس کی بھاری نفری موقع پر طلب کرلی گئی جو ڈاکوں کے تعاقب میں مصروف ہے۔
