دنیا کی مشہور کارٹون سیریز دی سمپسنز کی 2006 کی قسط کے مصنف مائیک رِیز نے ٹائٹن آبدوز کے حوالے سے دل دہلا دینے والا انکشاف کیا ہے کہ وہ خود بھی ٹائٹینک دیکھنے کے لیے اس آبدوز پر تین بار سفر کر چکے ہیں۔
دی سمپسنز کی 2006 کی اُس ایپی سوڈ، جس میں آبدوز حادثے کی پیش گوئی کی تھی، کے مصنف نے امریکی میڈیا کو بتایا کہ انھوں نے اپنی بیوی کے ساتھ تین بار ٹائٹن پر سفر کیا، نائیک ریز نے انکشاف کیا کہ پانی کے اندر سفر کے دوران آبدوز کو مواصلاتی مسائل کا سامنا کرنا پڑا تھا۔
سیزن 17 کی دسویں قسط ’ہومرز پریٹرنیٹی کُوٹ‘ میں مرکزی کردار ہومر سمپسن اور اس کے والد میسن فیئربینکس آبدوز پر پانی کے اندر سفر کرنے نکلے ہیں، واقعے کے دوران وہ خزانے سے بھرے ہوئے بحری جہاز کا ملبہ دریافت کرتے ہیں، بعد ازاں ہومر کی آبدوز ایک مرجان کی چٹان میں پھنس جاتی ہے، آبدوز میں آکسیجن کم ہو جاتا ہے، تاہم اس واقعے کا اختتام خوش گوار ہوتا ہے کیوں کہ وہ بچ جاتے ہیں۔
Episode released January 8, 2006😳 ain’t no way the Simpsons predicted the #titanicsubmarine #OceanGate #Simpsons #OceanGateExpeditions #Titan #Titanic pic.twitter.com/yT0iyEgPP5
— Mury (@PILOTB767) June 22, 2023
سوشل میڈیا پر صارفین اس قسط کی تصاویر اور ویڈیو کلپس ٹویٹ کر رہے ہیں، بہت سے لوگ ہومر اور اس کے والد فیئربینکس اور پاکستانی کاروباری شخصیت شہزادہ داؤد اور ان کے 19 سالہ بیٹے سلیمان کے درمیان مماثلت دکھا رہے ہیں، جو اوشین گیٹ آبدوز پر سوار تھے لیکن انھیں نہ بچایا جا سکا۔
what do you mean the simpsons predicted the titanic submarine incident pic.twitter.com/IHUpFV2es1
— kira 👾 (@kirawontmiss) June 22, 2023
دوسری طرف دی سمپسنز کی اس قسط کے حوالے سے رائٹر مائیک ریز نے بتایا کہ 2006 کی یہ قسط دراصل امریکی ایکشن تھرلر فلم کرمسن ٹائیڈ سے متاثر تھی، جس میں امریکی ایٹمی آبدوز کا واقعہ دکھایا گیا ہے۔
