کراچی: اسٹریٹ کرائم میں قتل ہونیوالے گولڈ میڈلسٹ بی بی اے کے طالبعلم لاریب کی فیملی کے لیے سندھ حکومت نے 10 لاکھ معاوضے کی منظوری دی ہے۔
کورنگی میں 4 مارچ کو لاریب کو موبائل چھیننے کے دوران ملزمان نے گولی ماری تھی، سندھ حکومت کی جانب سے شہید نوجوان کی فیملی کیلئے 10 لاکھ روپے معاوضہ منظورکرلیا گیا ہے۔
ملزمان لاریب کو گولی مارنے کے بعد اس کا موبائل فون بھی لےکر فرار ہوئے تھے، وزیراعلیٰ سندھ کی منظوری کے بعد معاوضے کا لیٹرجاری کردیا گیا ہے۔
- Advertisement -
ایم پی اے فاروق اعوان کی درخواست پر رقم منظور کی گئی ہے، سیکریٹری گورنمنٹ آف سندھ کی جانب سے لیٹر جاری کردیا گیا ہے۔
فاروق اعوان کا کہنا تھا کہ میری درخواست پر سندھ حکومت کی جانب سے معاوضہ منظور ہوا، محکمہ داخلہ سندھ کی جانب سے چیک جاری کیا جائے گا۔
