واردات کی رپورٹ گھر بیٹھے درج کرائیں، ’پولیس فار یو ایپ‘ جاری
The news is by your side.

Advertisement

واردات کی رپورٹ گھر بیٹھے درج کرائیں، ’پولیس فار یو ایپ‘ جاری

کراچی: پولیس چیف نے ایک ایپ جاری کی ہے جس کی مدد سے گھر بیٹھے چند سیکنڈ میں واردات کی ابتدائی رپورٹ درج کرائی جاسکتی ہے۔

تفصیلات کے مطابق کراچی پولیس چیف امیر احمد شیخ نے کسی بھی واردات کی فوری رپورٹ درج کرانے اور امداد کے حصول کے لیے جدید ترین موبائل فون ایپلی کیشن تیار کرلی ہے جس کی مدد سے شہری گھر بیٹھے چند سیکنڈ میں کسی بھی قسم کی واردات کی ابتدائی رپورٹ درج کراسکیں گے۔

ایڈٰیشنل آئی جی کراچی ڈاکٹر امیر احمد شیخ کے مطابق یہ موبائل فون ایپ کراچی کے شہریوں کے لیے نئے سال کا تحفہ ہے، جس میں خاص طور پر مختلف ممالک کے قونصل خانوں کی سیکیورٹی اور فوری رسپانس کا آپشن بھی موجود ہے۔

اس ایپ کے ذریعے کراچی میں دنیا بھر کے قونصلیٹس بھی چند سیکنڈ  میں پولیس سے مدد حاصل کرپائیں گے، اس ایپ کو گوگل سے بھی منسلک کیا گیا ہے۔

کراچی میں دنیا بھر کے قونصلیٹس بھی چند سیکنڈ میں پولیس سے مدد حاصل کرپائیں گے

امیر احمد شیخ کا کہنا تھا کہ اس ایپلی کیشن کو بنانے میں پولیس کی ایک پائی بھی خرچ نہیں ہوئی بلکہ اسے سکھر سے تعلق رکھنے نوجوان آئی ٹی انجینئر سید مدثر حسین اور ان کی کمپنی نے دو ماہ کی محنت سے یہ ایپلی کیشن کراچی پولیس کے لیے تیار کی ہے۔

ایڈٰیشنل آئی جی امیر احمد شیخ کے مطابق کسی بھی واردات کی صورت میں کسی شہری کو اب مددگار 15 کے عملے کے مختلف سوالات اور ان کی کنفرمیشن میں وقت ضائع نہیں کرنا پڑے گا بلکہ ابتدائی اور فوری رپورٹ پاکستان ہی نہیں بلکہ دنیا کے کسی بھی ملک میں بیٹھ کر درج کراسکیں گے اور اس پر پولیس فوری طور پر مدد کے لیے کرائم کے مقام پر پہنچے گی۔

مزید پڑھیں: کراچی : اسٹریٹ کرائم کا جن بے قابو، شہریوں کی سہولت کیلئے موبائل ایپلی کیشن تیار

ان کا کہنا تھا کہ ایپ میں رجسٹریشن کرتے وقت شہری کا موبائل فون نمبر، شناختی کارڈ نمبر اور پتہ محفوظ ہوجائے گا اور پھر یہی معلومات ایپ میں اندراج کرتے ہی متعلقہ تھانے سی پی ایل سی، دیگر اداروں اور متعلقہ ایس ایس پیز دفتر کو بھی موصول ہوجائے گی۔

ضلعی سطح پر وکٹم سپورٹ سروس ڈیسک شکایات کو مانیٹر کرے گی، ڈیسک شکایت درج ہوتے ہی متاثرہ شہری سے متعلقہ پولیس کا رابطہ کرائے گی۔

Comments

comments

یہ بھی پڑھیں