لاہور: معروف گلوکار علی ظفر نے کراچی کنگز کو پی ایس ایل کا فائنل جیتنے کی ایڈوانس مبارک باد دے دی۔
تفصیلات کے مطابق معروف گلوکار علی ظفر نے سماجی رابطے کی ویب سائٹ ٹویٹر پر کراچی کنگز کو پی ایس ایل فائیو کا فاتح قرار دے دیا۔
علی ظفر نے اپنے ٹویٹ میں لکھا کہ ’کراچی کنگز کو ایڈوانس میں جیت مبارک ہو۔‘
گلوکار علی ظفر نے لاہور قلندرز کو بھی پی ایس ایل فائیو کا فائنل کھیلنے پر مبارک باد پیش کی۔
واضح رہے کہ پی ایس ایل فائیو کے فائنل میں لاہور قلندرز کی جانب سے کراچی کنگز کو جیت کے لیے 135 رنز کا ہدف دیا گیا ہے، ہدف کے تعاقب میں کراچی کنگز کی بیٹںگ جاری ہے۔
یاد رہے کہ پی ایس ایل فائیو کے فائنل میں روایتی حریف کراچی کنگز اور لاہور قلندرز پہلی بار مدقابل آئی ہیں۔
کراچی کنگز نے پہلے ایلیمینٹر میں ملتان سلطانز کو شکست دی تھی جبکہ لاہور قلندرز کی ٹیم پشاور زلمی اور ملتان سلطانز کو شکست دے کر فائنل میں پہنچی ہے۔
