بنگلورو: بھارتی پلے بیک گلوکارہ ششمتا نے سسرالیوں کے رویے سے تنگ آ کر خود کشی کر لی۔

بھارتی میڈیا رپورٹس کے مطابق 26 سالہ گلوکارہ نے بنگلورو میں واقع اپنے گھر میں خود کو پھندا لگا کر زندگی کا خاتمہ کر لیا، ان کی پنکھے سے پھندا لگی لاش برآمد ہوئی تھی۔

گلوکارہ کی قریباً ڈیڑھ سال قبل شراتھ کمار سے شادی ہوئی تھی اور شادی کے بندھن میں بندھنے کے آغاز سے ہی ان میں اختلافات پیدا ہوگئے اور لڑائی جھگڑ امعمول بن گیا تھا۔

خود کشی سے قبل گلوکارہ نے ایک پیغام واٹس ایپ کے ذریعے والدہ اور بھائی کو بھیجتے ہوئے آگاہ کیا کہ وہ آج زندگی کا خاتمہ کرنے جارہی ہیں۔

پیغام میں ششمتا نے شوہر اور سسرالیوں پر الزام لگایا کہ انہیں جہیز کے معاملے پر ذہنی اذیت دی جارہی ہے، پیغام ملنے کے بعد جب بھائی نے گھر کا دروازہ کھولا تو ششمتا گلے میں ڈوپٹہ لپیٹ کر پنکھے کے ساتھ جھول چکی تھی۔

بھارتی گلوکارہ نے کئی فلموں کے لیے پلے بیک گیت گائے، جس میں ہالو تھوپا اور سرسمانیا سرفہرست ہیں۔