The news is by your side.

Advertisement

ٹک ٹاکر خاتون کو ہراساں کرنے کا کیس : گرفتار6 ملزمان جوڈیشل ریمانڈ پر جیل منتقل

اہور : مقامی عدالت نے مینار پاکستان پر ٹک ٹاکر خاتون کو ہراساں کرنے کے کیس میں پولیس کی استدعا مسترد کرتے ہوئے گرفتار چھ ملزمان کوجوڈیشل ریمانڈ پر جیل بھجوا دیا۔

تفصیلات کے مطابق لاہور کی مقامی عدالت میں جوڈیشل مجسٹریٹ حسن سرفراز چیمہ نے ٹک ٹاکر خاتون کو ہراساں کرنے سے متعلق کیس کی سماعت کی، پولیس نے جسمانی ریمانڈ مکمل ہونے پر ملزمان ارسلان ، افتخار اور مہران ، شہریار ، عابد اور ساجد کو پیش کیا اور مزید جسمانی ریمانڈ کی استدعا کی۔

عدالت نے استفسار کیا کہ اب تک کیا پیش رفت ہوٸی اور پولیس کی استدعا مسترد کرتے ہوئے ملزمان کو چودہ روزہ جوڈیشل ریمانڈ پر جیل بھجوا دیا ۔

گذشتہ سماعت میں تفتیشی افسر نے کہا تھا کہ تفتیش اور برآمدگی کے لیے مزید ریمانڈ دیا جائے، ملزمان کے وکیل کا کہنا تھا کہ پولیس نے کوئی ریکوری نہیں کرنی، ملزمان پہلے ہی پچیس روز حراست میں گزار چکے ہیں لہذا جسمانی ریمانڈ میں توسیع نہ کی جاٸے ۔

عدالت نے ملزمان کو دو روزہ جسمانی ریمانڈ پر پولیس کے حوالے کرتے ہوٸے 13 ستمبر کو پیش کرنے کا حکم دیا ، اس موقع پر ملزمان کا کہنا تھا کہ واقعہ سے کوئی تعلق بے گناہ گرفتار کیا گیا ہے لہذا انھیں رہا کیا جائے۔

Comments

یہ بھی پڑھیں