کراچی : موسم سرما میں خشکی کی وجہ سے خواتین کو جلد کے مسائل درپیش رہتے ہیں، ایسے میں صابن اور پانی کے استعمال سے جلد مزید خشک ہوجاتی ہے، کئی مرتبہ خشکی اس حد تک بڑھ جاتی ہے کہ جلد پھٹنا شروع ہوجاتی ہے۔
خواتین کے اس مسئلے کو حل کرنے کیلیے اے آر وائی ڈیجیٹل کے پروگرام گڈ مارننگ پاکستان میں پاکستان شوبز کی معروف اداکارہ جویریہ سعود نے اپنا آزمودہ گھریلو نسخہ بنا کر ناظرین سے شیئر کیا اور اس کے فوائد بھی بتائے۔
انہوں نے کہا کہ یہ نسخہ ہمارے گھر گزشتہ کئی سال سے استعمال کیا جارہا ہے جب میں چھوٹی تھی تو میری خالا اور پھوپھیاں یہی نسخہ استعمال کرتی تھیں۔
جویریہ نے بتایا کہ آدھا چمچ خشخاش، ایک چٹکی ہلدی، ایک چمچ دودھ کی بالائی اور لیموں کا رس چار سے پانچ قطرے لیں اور ان چاروں چیزوں کا پیسٹ بنالیں اور اس کو چہرے پر اچھی طرح لگا کر رگڑیں۔ اس کا اتنا بہترین رزلٹ آئے گا کہ آپ خود حیران رہ جائیں گے۔
جویریہ سعود کا مزید کہنا تھا کہ جس لوگوں کا رنگ باہر دھوپ میں پھرنے سے خراب کا کالا ہوجاتا ہے یہ نسخہ ان کیلیے بھی لاجواب ہے۔
