سوناکشی سنہا شاہ رخ خان کے ساتھ کام کرنے کی خواہش مند sonakshi shahrukh
The news is by your side.

Advertisement

سوناکشی سنہا شاہ رخ کے ساتھ کام کرنے کی خواہش مند

ممبئی: بالی ووڈ اداکارہ سونا کشی سنہا نے شاہ رخ خان کے ساتھ فلم میں کام کرنے کی خواہش کا اظہار کردیا۔

تفصیلات کے مطابق 2010 میں سلمان خان کی فلم سے دبنگ گرل کا لقب حاصل کر کے شہرت کی بلندیوں کو چھونے والی اداکارہ سوناکشی سنہا کا شمار بالی ووڈ کی کامیاب ترین اداکارؤں میں ہوتا ہے۔

اپنی نئی آنے والی فلم ’اتفاق‘ کی پروموشن کے دوران اداکارہ نے اس خواہش کا اظہار کیا کہ وہ انڈسٹری کے کنگ شاہ رخ کے ساتھ کام کرنے کی خواہش مند ہیں اور چاہتی ہیں کہ اُن کے ساتھ کم از کم ایک فلم میں ضرور کام کریں۔

بالی ووڈ اداکارہ نے کہا کہ ’شاہ رخ خان بہت اچھی شخصیت کے حامل اداکار ہیں اور میری خواہش ہے کہ اتنے بڑے اسٹار کے ساتھ کام کروں، یہ میرے لیے فخر کی بات ہوگی‘۔

پڑھیں: سوناکشی سنہا کا انتہائی دلچسپ انکشاف

انہوں نے کہا کہ شاہ رخ خان میری نئی آنے والی فلم ’اتفاق‘ کے پروڈیوسر کی حیثیت سے امور سرانجام دے رہے ہیں مگر میری خواہش ہے کہ وہ اس فلم میں انہیں بھی کوئی پارٹ دیا جائے تاکہ وہ ہمارے ساتھ اداکاری کا حصہ بن جائیں۔

یاد رہے کہ ابھے چوپڑا کی ہدایت کاری میں بننے والی فلم ’اتفاق‘ فلم دو متاثرہ کرداروں اور قتل میں ملوث ملزمان پر بنائی جارہی ہے، جس میں یہ دکھانے کی کوشش کی گئی ہے کہ ہر جرم کے پیچھے کوئی نہ کوئی وجہ چھپی ہوتی ہے۔

فلم میں اداکارہ سوناکشی سنہا اور اکشے کھنہ مرکزی کردار ادا کرتے نظر آئیں گے جبکہ  سدھارتھ ملہوترا سمیت دیگر اداکار بھی فلم کا حصہ ہیں ۔

یہ بھی پڑھیں: میں متاثرہ لڑکی ہوں مگر مجھ پر قتل کا الزام لگایا جارہا ہے، سوناکشی سنہا

کنگ خان کو بھی فلم میں کردار ادا کرنے کی پیش کش کی گئی تھی تاہم انہوں نے اسکرپٹ پڑھنے کے بعد نجی مصروفیات کا عذر پیش کیا اور کام کرنے سے انکار کردیا تھا۔

قبل ازیں جب فلم کا آفیشل پوسٹر جاری ہوا تو شاہ رخ خان نے سماجی رابطے کی ویب سائٹ پر اسے شیئر کیا تھا۔ فلم تین نومبر کو سینیما گھروں مٰں میں نمائش کے لیے پیش کیا جائے گا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں