The news is by your side.

Advertisement

’پلوامہ دھماکا، اندرونی ڈرامہ ہے، اپنوں کی غداری ہے‘ بھارتیوں نے گانا تیار کرلیا

نئی دہلی: پلوامہ واقعے کی حقیقت اور مودی سرکار کا اصل چہرہ سامنے آگیا، بھارتی لڑکی کے گانے نے ہندوستان کو ہلا کر رکھ دیا۔

تفصیلات کے مطابق بھارت میں اپنوں نے ہی مودی کو آئینہ دکھا دیا، لڑکی کے گانے نے ہندوستان کی آنکھیں کھول دیں، گانا سوشل میڈیا پر وائرل ہوگیا۔

دلیر گلوکارہ نے واضح کیا ہے کہ پڑوسیوں پر تنقید کرنے کے بجائے مودی سرکار اندرونی مسائل سے دو چار ہے، اس میں سیکیورٹی میں ناکامی کے مسئلے پر بھی اہم سوالات اٹھائے گئے ہیں۔

’پلوامہ دھماکا، اندرونی ڈرامہ ہے، حملہ دشمن نہیں، اپنوں کی غداری ہے‘ بھارتی گلوکارہ کا گانے میں سچ کا پرچار کرنا جرم بن گیا، کئی بھارتیوں نے شدید تنقید کا نشانہ بنایا۔

گانے کی شاعری میں یہ بھی بتایا گیا ہے کہ پلوامہ حملے میں ملوث شخص کو کیسے پتا چلا کہ بھارتی پولیس کی گاڑی بلٹ پروف نہیں اور بھارت کے گھر کے بھیدیوں کو اس ملک کے عوام کا احساس کب ہوگا؟

پلوامہ حملہ: پیشگی اطلاع کے باوجود مودی حکومت نے فوجی مروائے، بھارتی سماجی کارکن

واضح رہے گذشتہ ہفتے مقبوضہ کشمیر کے ضلع پلوامہ میں کار بم حملے میں42 بھارتی فوجی ہلاک اور متعدد زخمی ہوئے تھے، حملے کے فوری بعد بھارت نے پاکستان پر الزام تراشی کا سلسلہ شروع کردیا تھا۔

بعد ازاں پاکستان نے مقبوضہ کشمیرمیں بھارتی فوجیوں کی ہلاکت کی مذمت کرتے ہوئے تشویش کا اظہار کیا تھا اور کہا تھا ہمیشہ سے مقبوضہ وادی میں تشدد کی مذمت کرتے آئے ہیں، بغیر تحقیقات کے بھارتی میڈیا اور حکومت کے الزامات کومسترد کرتے ہیں۔

Comments

comments

یہ بھی پڑھیں