site
stats
انٹرٹینمںٹ

سونو نگم کے دن کا آغاز، اذان کے ساتھ

ممبئی: اذان سے متعلق نازیبا کلمات ادا کرنے والے بھارتی کلوگار سونو نگم نے دن کا آغاز اذان سے شروع کردیا۔

سماجی رابطے کی ویب سائٹ ٹوئٹر پر سونو نگم نے ایک ویڈیو پوسٹ کی جس میں اذان کی آواز واضح سنائی دے رہی ہے اور اُس کے ساتھ انہوں نے انڈیا کے عوام کو صبح بخیر کا پیغام دیا ہے۔

اذان سے متعلق ریمارکس دینے پر گلوکار کو شدید تنقید کا سامنا کرنا پڑا، شوبز شخصیات ہوں یا پھر اُن کے مداح سب نے سونو نگم کو آڑے ہاتھوں لیا اور اُن کے بیان کی مذمت کی۔

پڑھیں: ’’ اذان سے متعلق بیان: کنگنا رناوت کا سونو نگم کو کرارا جواب ‘‘

اسی دوران صحافیوں نے بھی بیان کی صفائی مانگی تو بھارتی گلوکار نے کہا کہ میرا ٹوئٹ اذان سے متعلق نہیں بلکہ لاؤڈ اسپیکر سے متعلق تھا مگر لوگوں نے میرے ٹوئٹ کا غلط مطلب نکالا۔

سونو نگم کی جانب سے سماجی رابطے کی ویب سائٹ ٹوئٹر پر پوسٹ کی گئی ویڈیو اُن کے گھر سے بنائی گئی ہے تاہم اس دوران وہ کہاں موجود تھے اس حوالے سے کوئی اطلاعات موصول نہیں ہوئیں کیونکہ برطانوی خبر رساں ادارے میں شائع ہونے والی رپورٹ میں کہا گیا تھا کہ سونو نگم کے گھر تک اذان کی آواز نہیں جاتی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top