پاکستانی شوبز انڈسٹری کی معروف اداکارہ سونیا حسین عالمی شہرت یافتہ بھارتی اداکاراؤں سری دیوی اور پرینگا چوپڑا سے موازنہ کیے جانے پر بول پڑیں۔
اے آر وائی زندگی کے شو ’دی نائٹ شو‘ میں میزبان نے ان سے پوچھا کہ کیا آپ کو اکثر لوگوں کی جانب سے کہا جاتا ہے کہ آپ عالمی شہرت یافتہ اداکاراؤں جیسی نظر آتی ہیں؟
اس پر سونیا حسین نے بتایا کہ ’جی ہاں!‘ میزبان نے پوچھا کہ کس کس اداکارہ سے آپ کا موازنہ کیا جاتا ہے؟ جس ہر اداکارہ نے بتایا کہ میں جیسا گیٹ اپ کرتی ہوں لوگ اس اداکارہ سے ملا دیتے ہیں۔
انہوں نے مزید کہا کہ آج کل لوگ کہتے ہیں کہ تم سری دیوی جیسی لگتی ہو، میں یہ سن کر چونک جاتی ہوں کیونکہ وہ بہت خوبصورت تھیں۔
سونیا حسین نے بتایا کہ مجھے پرینکا چوپڑا جیسی بھی کہا جاتا ہے، وہ بھی خوبصورت ہیں، پرینکا چوپڑا کو اس لیے پسند کرتی ہوں کیونکہ وہ کامیاب خاتون ہیں، لیکن سری دیوی واقعی میں بہت خوبصورت تھیں۔
انہوں نے کہا کہ اگر لوگ سمجھتے ہیں کہ میں واقعی سری دیوی جیسی نظر آتی ہوں تو یہ میرے لیے قابلِ تعریف بات ہے۔