اسپیکر قومی اسمبلی راجا پرویز اشرف نے چیف جسٹس سمیت تمام ججز کو خط لکھنےکا فیصلہ کیا ہے۔
قومی اسمبلی اجلاس میں اظہارخیال کرتے ہوئے اسپیکر نے کہا کہ چیف جسٹس اور سپریم کورٹ کے ججز کو خط لکھ کر ایوان کے جذبات سے آگاہ کروں گا۔
انہوں نے کہا کہ میں چیف جسٹس اور ججز کو آج ہی خط لکھنے کی کوشش کروں گا ارکان کےجذبات کی صحیح ترجمانی کرتےہوئےخط لکھوں گا۔
- Advertisement -
اسپیکر نے چیف جسٹس کے نام خط لکھنے پر ایوان سے رائے طلب کی جس پر ایوان نے چیف جسٹس و ججز کو خط لکھنے کی تجویز کی حمایت کی۔
راجا پرویز اشرف کا کہنا تھا کہ ایوان مسلسل ہیجانی کیفیت میں مبتلا ہے پارلیمان میں سپریم کورٹ کے حوالے سے تقریریں ہوئی ہیں اس حوالے سے قرارداد بھی پیش کی جا چکی ہے۔
