The news is by your side.

Advertisement

مشتعل وکلاء کے خلاف سخت ایکشن لیا جائے گا، یاسمین راشد

لاہور: وزیر صحت پنجاب ڈاکٹر یاسمین راشد نے کہا کہ مشتعل وکلاء نے پی آئی سی میں زبردستی گھس کر ڈاکٹرز پرتشدد کیا، مشتعل وکلاء کے خلاف سخت ایکشن لیا جائے گا۔

تفصیلات کے مطابق صوبائی وزیر صحت ڈاکٹر یاسمین راشد کا کہنا ہے کہ وزیراعلیٰ پنجاب نے ڈاکٹرز کے ساتھ کھڑے ہونے کاحکم دیا ہے، مشتعل وکلاء کے خلاف سخت ایکشن لیا جائے گا۔

ڈاکٹر یاسمین راشد نے کہا کہ مشتعل وکلاء نے پی آئی سی میں زبردستی گھس کر ڈاکٹرز پرتشدد کیا، وکلاء نے گاڑیاں توڑیں اورعلاج معالجے کو زبردستی روک دیا۔

صوبائی وزیر صحت نے کہا کہ کسی کو اسپتال میں علاج روکنے یا امن خراب کرنے کی اجازت نہیں ہے، تشدد کا نشانہ بننے والے ڈاکٹر ز کے ساتھ کھڑے ہیں۔

وکلا نے پنجاب انسٹی ٹیوٹ آف کارڈیالوجی پر دھاوا بول دیا

واضح رہے کہ وکلاء کی جانب سے آج پنجاب انسٹیٹیوٹ آف کارڈیالوجی کے اندر گھس کر توڑ پھوڑ کی گئی اور ڈاکٹروں کو تشدد کا نشانہ بنایا گیا۔

واقعے کی اطلاع ملنے کے بعد وزیر اطلاعات پنجاب فیاض الحسن چوہان رپورٹ لینے کے لیے موقع پر پہنچے تو مشتعل وکلاء نے انہیں تشدد کا نشانہ بنا ڈالا۔ فیاض الحسن چوہان کا کہنا تھا کہ انہیں اغوا کرنے کی کوشش کی گئی، آج انصاف پسند وکلاء بہت رنجیدہ اور دکھی ہوں گے۔

Comments

comments

یہ بھی پڑھیں