سرینگر: مقبوضہ کشمیر میں بھارتی فورسز کی ظالمانہ کارروائیوں نے طلبا کو بھی سڑکوں پر آنے پر مجبور کردیا۔ حریت رہنماؤں نے طلبا سے اظہار یکجہتی کے لیے آج نمازجمعہ کے بعد احتجاج کی اپیل کردی۔
بھارتی فورسز کی وحشیانہ کارروائیوں نے علم کے حصول میں مصروف طلبا کو بھی نہیں بخشا۔
سرینگر میں انیس سال کے طالب علم کی شہادت اور کالج اساتذہ اور طالب علموں پر بھارتی فورسز کے تشدد کے خلاف مقبوضہ وادی کے طلبا گزشتہ 6 روز سے احتجاج کر رہے ہیں۔
مزید پڑھیں: بھارتی فوج کا جیپ کے آگے نوجوان کو باندھ کر گشت
طالبات بھی اپنے ساتھیوں کے ساتھ احتجاج میں شامل ہیں۔ احتجاجی طلبا و طالبات بھارت سے آزادی کا مطالبہ کر رہے ہیں۔
مقبوضہ کشمیر میں بھارتی فوج کے مظالم کی ویڈیوز منظر عام پر آنے کے بعد کٹھ پتلی انتظامیہ نے انٹرنیٹ اور موبائل سروس بھی بند کردی ہے۔
مزید پڑھیں: کشمیری کو ڈھال بنانے پر بھارتی فوج پر مقدمہ
کشمیریوں کے احتجاج کو دبانے کے لیے مختلف علاقوں میں اضافی سیکیورٹی اہلکار تعینات کر دیے گئے ہیں اور متعدد سڑکیں بند کردی گئی ہیں۔
