کراچی : سیالکوٹ سے جدہ جانیوالی پی آئی اے کی پرواز کو اچانک فنی خرابی کے باعث کراچی ائیرپورٹ پر لینڈنگ کرنا پڑی ، پرواز کی روانگی میں تاخیر عمرےکیلئے جانیوالے مسافروں نے ایئرپورٹ پر احتجاج کیا۔
تفصیلات کے مطابق سیالکوٹ سے جدہ جانیوالی پی آئی اے کی پرواز میں اچانک فنی خرابی پیدا ہوگئی ، جس پر کپتان نے ایئر ٹریفک کنٹرولر سے رابطہ کیا اور کراچی ائیرپورٹ پر لینڈنگ کی اجازت طلب کی۔
ایئرپورٹ انتظامیہ نے بتایا کہ بوئنگ 777 میں فنی خرابی پیدا تھی، جس کی وجہ سے اتارا گیا اور مسافروں کو لاؤنج منتقل کردیا گیا ہے، پی آئی اے کے انجینئرز طیارے کی فنی خرابی دور کررہے ہیں۔
انتظامیہ کا کہنا تھا کہ طیارے کے کاکٹ پٹ میں اسموگ وارننگ تھی، جس پرکپتان نے طیارے کو ایئرپورٹ اتارا۔
سیالکوٹ سےجدہ جانیوالی پی آئی اے کی پرواز کی کراچی ایئرپورٹ پر ٹیکنیکل لینڈنگ کے باعث پرواز کی جدہ روانگی تاخیر کا شکار ہے ، جس پر عمرےکیلئے جانیوالے مسافروں
نے ایئرپورٹ پر احتجاج کیا۔
اس موقع پر کراچی ایئر پورٹ پر عمرہ زائرین کی پی آئی اے کے عملے سے تلخ کلامی ہوئی، بوئنگ777طیارے کے کاک پٹ میں اسموگ الارم کی نشاندہی ہوئی تھی۔