اسلام آباد : آٹا، چینی، کھاد کی اسمگلنگ کے خلاف حکومتی کریک ڈاؤن کا سلسلہ جاری ہے، یکم ستمبر سے حکومت کی جانب سے ملک بھر میں اسمگلنگ کے خلاف آپریشن کا آغاز کیا گیا تھا۔
وفاقی حکومت کے جاری کردہ نئے اعدادو شمار کے مطابق یکم ستمبر سے ملک بھر سے 2ہزار 89 میٹرک ٹن چینی، 198میٹرک ٹن آٹا اور ایک ہزار 948 میٹرک ٹن کھاد پکڑی گئی۔
اس کے علاوہ ایک ملین لیٹر ایرانی تیل کو بھی قبضے میں لیا گیا، کراچی سے 0.010 ملین لیٹر اور کوئٹہ سے 0.208 ملین لیٹر ایرانی تیل ضبط کیا گیا۔
- Advertisement -
نگران حکومت، عسکری قیادت اور متعلقہ ادارے کی جانب سے یہ کارروائیاں پشاور، کراچی ،کوئٹہ سمیت مختلف علاقوں میں کی گئیں۔
اس حوالے سے پاکستان شوگر ملز ایسوسی ایشن پنجاب زون کے عہدیداران نے ایک بیان میں کہا ہے کہ چینی کی اسمگلنگ اور ذخیرہ اندوزی کیخلاف اقدامات کو سراہتے ہیں۔
