اے آر وائی ڈیجیٹل کے ڈرامہ سیریل ’سکون‘ میں عدنان صمد خان ’عثمان‘ کا کہنا ہے کہ زہر کھا لوں گا لیکن شادی نہیں کروں گا۔
ڈرامہ سیریل ’سکون‘ میں احسن خان (ہمدان)، ثنا جاوید (عینا)، خاقان شاہ نواز (رضا)، سدرہ نیازی (شانزے)، لیلیٰ واسطی (عینا کی والدہ)، قدسیہ علی (آئمہ)، عدنان صمد خان (عثمان)، عثمان پیرزادہ، اسما عباس ودیگر شامل ہیں۔
ڈرامے کی ہدایت کاری کے فرائض سراج الحق نے انجام دیے ہیں جبکہ اس کی کہانی مصباح نوشین نے لکھی ہے۔
سکون کی کہانی عینا نامی ایک نوجوان لڑکی کی زندگی کے گرد گھومتی ہے، جس کا کردار باصلاحیت ثنا جاوید نے پیش کیا ہے جسے ایک فرضی رشتے کی وجہ سے اپنی محبت کی زندگی میں مشکلات کا سامنا ہے، عینا کے سابق منگیتر عثمان پر آئمہ سے شادی کے لیے دباؤ ڈالا جارہا ہے جبکہ عینا کا نکاح ہمدان سے ہوچکا ہے۔
گزشتہ قسط میں دکھایا گیا کہ ’والدہ کہتی ہیں کہ دیکھ رہی ہوں کہ یہ میرا بیٹا عثمان تو نہیں ہے جو میری بات ٹالٹا ہی نہیں تھا۔‘
عثمان کہتے ہیں کہ ’آپ کا بیٹا بدل گیا ہے یقین کرلیں۔‘ وہ کہتی ہیں کہ ’ماں کی بات مان لے گا تو تیری زندگی بدل جائے گی۔‘
وہ کہتے ہیں کہ ’زندگی سے ہار جاؤں گا اگر آپ کی بھتیجی کو بیاہ کر لے آیا، اس کے لیے اتنی منت کرنے کی ضرورت نہیں ہے مجھے زہر دے دیں کھا لیتا ہوں برباد تو ہوچکا ہوں میں مر بھی جاتا ہوں۔‘
والدہ کہتی ہیں کہ ’اللہ نہ کرے ایسا ہو میرا یہ مطلب نہیں تھا۔‘ عثمان کہتے ہیں کہ ’آپ نے جو کہنا ہے اپنے بھائی سے کہیے مجھے کچھ نہیں سننا، وہ آپ کی بات مان جائیں تو ٹھیک مجھ سے ایسی امید نہیں رکھئے گا۔‘
عثمان کہتے ہیں کہ ’آپ جاکر انکار کردیں ورنہ میں کردوں گا۔‘
کیا عثمان آئمہ سے شادی کے لیے راضی ہوجائیں گے؟ یہ جاننے کے لیے ’سکون‘ کی اگلی قسط دیکھیں۔
