سلام آباد: احتساب عدالت نے پارک لین ریفرنس میں سابق صدر آصف علی زرداری اور دیگر ملزمان کی طلبی کے نوٹس جاری کردیے۔
تفصیلات کے مطابق اسلام آباد کی احتساب عدالت میں پارک لین ریفرنس کی سماعت ہوئی ، احتساب عدالت کے جج محمد بشیرنے سماعت کی، وکیل نے بتایا کہ جب معاہدہ ہواآصف زرداری پارک لین کےڈائریکٹرنہیں رہے تھے، جس پر عدالت کا کہنا تھا کہ ابھی نوٹسز کرتے ہیں باقی بعد میں بتا دیں۔
عدالت نے پارک لین ریفرنس میں آصف زرداری اوردیگرملزمان کو طلبی کے نوٹسز جاری کردیئے اور کیس کی سماعت 20دسمبر تک ملتوی کردی۔
گذشتہ روز اسلام آباد کی احتساب عدالت میں ٹھٹھہ واٹر سپلائی ریفرنس میں سابق آصف زرداری سمیت 15 ملزمان کوطلب کرلیا تھا اور تمام ملزمان کو طلبی کے نوٹس جاری کرتے ہوئے ملزمان کو 18 دسمبر کو عدالت میں پیش ہونے کی ہدایت کی گئی تھی۔
خیال رہے نیب میں ترامیم کو سپریم کورٹ نے کالعدم قرار دے دیا تھا ، جس کی وجہ اب اس پر دوبارہ کارروائی شروع ہو گئی ہے۔
