لاہور : وزیراعلیٰ پنجاب کیلئے سنی اتحاد کونسل کے نامزد امیدوار راناآفتاب نے دعویٰ کیا ہے کہ ہمارے پاس ارکان کی اچھی تعداد ہے، سرپرائز دے سکتے ہیں۔
تفصیلات کے مطابق وزیراعلی کے انتخاب کے لیے پنجاب اسمبلی کا اجلاس آج گیارہ بجے ہونے جارہا ہے ، ن لیگ کی مریم نواز اور سنی اتحاد کونسل کے رانا آفتاب میں مقابلہ ہیں ، تین سو ستائیس کے ایوان میں ن لیگ کو دو سو چوبیس ارکان کی حمایت حاصل ہے بجبکہ سنی اتحاد کونسل کے پاس ایک سو تین ارکان ہیں۔
اجلاس سےقبل ن لیگ اور سنی اتحاد کونسل کے پارلیمانی پارٹی کے اجلاس ہوں گے، وزیراعلیٰ پنجاب کیلئے سنی اتحاد کونسل کے نامزد امیدوار راناآفتاب اسمبلی پہنچ گئے۔
اس موقع پر میڈیا سے گفتگو میں راناآفتاب نے دعویٰ کیا ہے کہ وزیراعلیٰ کےانتخاب میں میدان خالی نہیں چھوڑیں گے، ہمارےپاس ارکان کی اچھی تعداد ہے، سرپرائز دے سکتے ہیں
وزیراعلیٰ کے انتخاب میں میدان خالی نہیں چھوڑیں گے، بانی پی ٹی آئی نے ہمیں صبروتحمل کا درس دیا ہے، ہم آئین و قانون کے مطابق بھرپور جواب دیں گے۔
میں پنجاب کی وزارت اعلیٰ کیلئےبانی پی ٹی آئی کاامیدوارہوں، آزادامیدوارہوں،مجھےمال روڈپرہی روک دیاگیا لیکن ہم چاہتےہیں ان نامناسب حالات میں بھی جمہوریت کو آگےلیکرچلیں، ہمیں پروٹوکول کی نہیں عوام کی محبت کی ضرورت ہے۔.
اس سے قبل سنی اتحاد کونسل کے امیدوارراناآفتاب کی گاڑی کواسمبلی کےباہرروک لیا گیا تھا ، جس کے بعد سنی اتحاد کونسل کے وزیراعلیٰ کے امیدواررانا آفتاب پیدل اسمبلی آئے۔
=
