کراچی: سپر ہائی وے سے ملنے والی خاتون کی لاش کی میڈیکل رپورٹ پولیس کو موصول ہوگئی ہے جس میں اہم انکشاف ہوا۔
پولیس کے مطابق کراچی کے علاقے سپر ہائی وے سے ملنے والی خاتون کی عمر 30 سے 32 سال ہے لاش مختلف ٹکڑوں میں ہے، خاتون کی تاحال شناخت نہیں ہوسکی لیکن میڈیکل رپورٹ میں بتایا گیا کہ خاتون کو بہیمانہ تشدد کا نشانہ بنایا گیا۔
پولیس کا کہنا ہے کہ تشدد سے دونوں بازو اور ریڑھ کی ہڈی کو شدید نقصان پہنچا ہے، پولیس نے کیمیکل ایگزامینیشن اور ڈی این اے کے نمونے حاصل کر لیے ہیں۔
- Advertisement -
پولیس کا مزید کہنا ہے کہ ڈی این اے رپورٹ کے بعد خاتون کی شناخت میں مدد مل سکےگی۔
