لاہور: نامور پاکستانی اداکارہ ایمان علی رشتہ ازدواج میں منسلک ہوگئیں۔
تفصیلات کے مطابق نامور پاکستانی اداکارہ ایمان علی شادی کے بندھن میں بندھ گئیں، ایمان علی معروف اداکار عابد علی کی صاحب زادی ہیں، ان کی شادی میں قریبی عزیز اور علی ظفر، فرحان سعید، عروہ حسین سمیت متعدد شوبز شخصیات نے شرکت کی۔
شادی کی رنگا رنگ تقریب لاہور کے علاقے بیدیاں کے فارم ہاؤس میں منعقد ہوئی ، ایمان علی کے شوہر بابر بھٹی کا تعلق میجر عزیز بھٹی شہید کی فیملی سے ہے۔
ایمان علی نے بول، خدا کے لیے، ماہ میر، جیسی سپر ہٹ فلموں میں اداکاری کے جوہر دکھائے اور فیشن انڈسٹری میں سپر ماڈل کے طور پر سامنے آئیں۔
ایمان علی کو سرحد پار سمیت دنیا کے مختلف ممالک میں بسنے والوں کی جانب سے مبارک باد اور نیک تمناؤں کا سلسلہ جاری ہے۔
واضح رہے کہ ایمان کے علی کے نکاح، مہندی اور بارات کی تقریب ایک ہی مقام پر ہوئی ہے، اس موقع پر حق مہر کی رقم 25 لاکھ روپے رکھی گئی ہے۔
یاد رہے کہ گزشتہ روز خوبرو ماڈل کی مہندی کی تصاویر سوشل میڈیا پر وائرل ہوئی تھیں جس میں فرحان سعید، عروہ حسین سمیت دیگر اداکار ہلہ گلہ کرتے ہوئے دکھائی دے رہے تھے۔
View this post on Instagram
Nikah video of #ImanAly and #BabarBhatti . . #imanali #imankishadi #baiman 📷 @irfanahson
ایمان علی کے والد عابد علی کا کہنا ہے کہ بیٹی کی شادی پر بہت خوش ہوں، میری دعا ہے کہ جس طرح وہ شوبز انڈسٹری میں کامیاب رہی اسی طرح اسے شادی شدہ زندگی میں بھی کامیابی ملے۔
