اسکاٹ ہوم: یورپی ملک سویڈن میں اوباش لڑکے نے راہ چلتی خاتون کو زوردار تھپڑ مار کر زمین پر گرا دیا، چہرے پر گہری چوٹ کے باعث متاثرہ عورت کی حالت غیر ہوگئی۔
غیرملکی خبررساں ادارے کی رپورٹ کے مطابق سویڈن کے شہر مالمو میں دو شرارتی لڑکوں نے راہ چلتی خاتون کو تھپڑ مارنے کا منصوبہ بنایا جن میں سے ایک نے ویڈیو بنائی جبگہ دوسرے نے عورت پر حملہ کیا۔
رپورٹ کے مطابق سویڈش نوجوان نے پلاننگ کے ساتھ خاتون کو تھپڑ مارا جبکہ اس کا دوست سامنے کھڑا ہوکر ویڈیو بنا رہا تھا، حملے کے فوراً بعد دونوں فرار ہوگئے۔
- Advertisement -
زوردار تھپڑ کے باعث خاتون زمین پر جاگریں اور چہرے پر گہری چوٹ آئی، حملے کے بعد کئی منٹ تک خاتون کی حالت غیر رہی۔ حملے کے دوران دونوں نوجوان قہقہے بھی لگا رہے تھے۔
ویڈیو منظر عام پر آنے کے باوجود پولیس اب تک لڑکوں کو گرفتار کرنے میں ناکام ہے۔
