اسٹارک ہوم : قطب شمالی کے جنوب میں سوئیڈن کے قصبے جوکاسجروی میں مکمل طور پر برف سے بنا ہوٹل عام عوام کیلئے کھول دیا گیا ہے۔
سوئیڈن آئس ہوٹل دنیا میں اپنی نوعیت کا منفرد برفانی ہوٹل ہے، جو ہر سال نومبر کے مہینے میں ڈیزائن ہوتا ہے اور کئی ہفتوں میں مکمل کیا جاتا ہے، ہوٹل میں65کمرے ہیں۔
اس ہوٹل کی خاص خوبی یہ ہے اس میں بستر، کرسیوں اور ٹیبل کے ساتھ مشروبات کے برتنوں کو بھی برف کے بڑے ٹکڑوں کو کاٹ کر تیار کیا گیا ہے۔
رواں سال دنیا بھر سے42آرٹسٹوں کو اس ہوٹل میں روم کی ڈیزائننگ اور آرٹ سویٹس کی تیاری کیلئے منتخب کیا گیا جبکہ تقریباً 100لوگوں نے اس آئس ہوٹل کے تعمیراتی کام میں حصہ لیا۔
اس ہوٹل کو 4ماہ کیلئے ڈیزائن کیا جاتا ہے، جہاں ہر سال تقریباً50ہزار مہمان ٹھہرتے ہیں۔
یہ دنیا کا پہلا برفیلا ہوٹل ہے اور اس سے متاثر ہو کر ہی جاپان، کینیڈا اور دنیا کے دیگر ممالک میں بھی اس طرز کے ہوٹل تعمیر کئے گئے ہیں۔
