شام : فرانس اوراتحادی ممالک کی داعش کے خلاف کارروائیاں تیز ہوگئیں،داعش کے ٹھکانوں پر بمباری میں تینتیس شدت پسند ہلاک ہوئے ہیں.
برطانوی تنظیم سیریئن آبزرویٹری کے مطابق فرانس اور اتحادی ممالک کی جانب سے داعش کے گڑھ رقہ پر فضائی بمباری کے نتیجے میں تینتیس شدت پسند ہلاک ہوگئے، فضائی بمباری کے دوران رقہ شہر میں قائم داعش کی چوکیوں کو نشانہ بنایا گیا۔
دوسری جانب داعش سے منسلک خبر رساں ادارے نے کارروائی میں داعش کے جنگجوؤں کی ہلاکت کی تردید کی ہے، پیرس حملوں کے بعد امریکا،فرانس اور روس کی جانب سے فضائی کارروائیاں تیز کردی گئی ہیں۔
اس سے قبل بھی فرانسیسی بمباری سے داعش کا کمانڈ اینڈ ٹریننگ سینٹر تباہ ہوگیا۔ روسی صدرولادی میرپیوٹن نے داعش کے خلاف مزید حملوں کا اعلان کیا ہے۔
Comments
- Advertisement -
