اسلام آباد: پاکستان کے مقبول ترین میوزک پلیٹ فارم کوک اسٹوڈیو کے آٹھویں سیزن میں گائی جانے والی قوالی ’تاجدار حرم‘ یوٹیوب پر سب سے زیادہ دیکھی جانے والی پہلی پاکستانی ویڈیو بن گئی۔
اس خوبصورت قوالی کو دنیا کے 186 ممالک کے افراد نے خوب پسند کیا اور اسے یوٹیوب پر 10 کروڑ سے زائد بار دیکھا گیا۔
یہ قوالی عاطف اسلم نے گائی تھی جبکہ اس کی موسیقی بابر علی کھنہ، ارسلان ربانی اور دیگر نے ترتیب دی۔
کوک اسٹوڈیو کی جانب سے اس موقع پر اظہار مسرت کرتے ہوئے کہا گیا کہ سیزن 9 میں راحت فتح علی خان اور مومنہ مستحسن کی آواز میں گایا جانے والا ’آفریں آفریں‘ گانا بھی یوٹیوب پر 10 کروڑ کا ہندسہ چھونے کے قریب ہے۔
کوک اسٹوڈیو کے اب تک 10 سیزن نشر ہوچکے ہیں۔ کوک اسٹوڈیو کا انتظام روہیل حیات خان کے بعد اسٹرنگز بینڈ کے ہاتھ میں تھا تاہم اب انہوں نے بھی کوک اسٹوڈیو سے علیحدگی کا اعلان کردیا ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
